ប្រាប់មុនឲ្យហើយ បើមិនចង់ទឹកភ្នែក កុំបង្ហោះលេខ IMEI ឲ្យអ្នកដទៃដឹងឲ្យសោះ
- 2020-05-28 09:23:51
- ចំនួនមតិ 0 | ចំនួនចែករំលែក 0
ប្រាប់មុនឲ្យហើយ បើមិនចង់ទឹកភ្នែក កុំបង្ហោះលេខ IMEI ឲ្យអ្នកដទៃដឹងឲ្យសោះ
ចន្លោះមិនឃើញ
កន្លងទៅ Sabay បានបង្ហាញពី វិធីឆែកលេខ IEMI លើស្មាតហ្វូនគ្រប់ម៉ូដែល ដែលជាលេខសម្គាល់អត្តសញ្ញាណនៃឧបករណ៍នីមួយៗ។ ប៉ុន្តែយើងក៏អាចរងហានិភ័យពីការចែករំលែកកូដ IMEI ទាំង ១៥ ខ្ទង់ ទៅលើបណ្ដាញសង្គមឬជនមិនស្គាល់មុខ។
មិនខុសពីលេខកូដសម្ងាត់ធនាគារ IMEI មិនចេះតែបង្ហាញឲ្យអ្នករាល់គ្នាដឹងបាននោះទេ ព្រោះជនខិលខូចអាចយកកូដនោះទៅ Report ឲ្យស្មាតហ្វូនរបស់យើង ជាប់ក្នុងបញ្ជីខ្មៅ ដែលគេនិយមហៅថាទូរសព្ទបាត់ (Lost)ឬត្រូវបានគេលួច (Stolen)។ នៅពេលចង់លក់ទូរសព្ទឲ្យនៅអ្នកដទៃ ប្រសិនបើគេឆែក IMEI លើគេហទំព័រ CheckMend ដើម្បីចង់ដឹងអត្តសញ្ញាណស្មាតហ្វូន ស្មាតហ្វូនយើងនឹងជាប់ប្រវត្តិមិនល្អ។
មួយវិញទៀត នៅទីផ្សារក្រៅស្រុកអ្នកជំនាញក៏បានបង្ហាញពីឧបាយកលជនខិលខូច ដោយខ្លះលួចយក IMEI របស់យើងទៅផលិតជាទូរសព្ទក្លែងក្លាយ (Clone) ហើយបើស្មាតហ្វូនជាប់ហេតុបញ្ហាអ្វី យើងដែលជាម្ចាស់ IMEI នៃឧបករណ៍ដើម ក៏ត្រូវរងការចោទប្រកាន់ទាំងមិនដឹងខ្លួន។
បញ្ហាសំខាន់មួយផ្សេងទៀត អ្នកដែលដឹងពីកូដ IMEI របស់យើង ក៏មានវិធីអាច ចាប់ទីតាំង ដែលយើងកំពុងឈរ មិនថាតែនៅទីណាក៏ដោយជុំវិញពិភពលោក។ អ្វីដែលសំខាន់ក្នុងប្រទេសមួយចំនួនគេបានប្រើស្មាតហ្វូន សម្រាប់ផ្ទេរនិងទទួលសាច់ប្រាក់ ក៏ដូចជាគណនីក្នុងស្មាតហ្វូនមួយ ម្ល៉ោះបើពួកគេដឹង IMEI ក៏មិនខុសពីការគ្រប់គ្រងទិន្នន័យទាំងមូលនៃឧបករណ៍យើងអ៊ីចឹងដែរ។