បច្ចុប្បន្ននេះ មានភោជនីយដ្ឋានថៃនៅប្រទេសកម្ពុជា ចំនួន ១០ប៉ុណ្ណោះ ដែលបានទទួលស្លាកសញ្ញា Thai SELECT។ Thai SELECT គឺជានិមិត្តសញ្ញាដែលក្រសួងពាណិជ្ជកម្មថៃប្រគល់ជូនភោជនីយដ្ឋានថៃ ដែលបានទទួលការជ្រើសរើសដើម្បីធានាថាភោជនីយដ្ឋានទាំងនោះ មានមុខម្ហូបដែលជាអត្តសញ្ញាណថៃ ដោយចែកចេញជា ៣ ប្រភេទគឺ Thai SELECT PREMIUM មានផ្ទៃពណ៌ទឹកមាស Thai SELECT មានផ្ទៃពណ៌ក្រហម និង Thai SELECT UNIQUE មានផ្ទៃពណ៌ទឹកក្រូច។

**ភោជនីយដ្ឋានទាំង ១០នោះ មានឈ្មោះដូចខាងក្រោម (សរុប ២២សាខា)៖**

លោកជីរ៉ាវុឍ សុវណ្ណាអាត អគ្គទីប្រឹក្សាពាណិជ្ជកម្មប្រចាំស្ថានតំណាងពាណិជ្ជកម្មថៃនៅរាជធានីភ្នំពេញ បានថ្លែងថា ស្ថានតំណាងពាណិជ្ជកម្មថៃ បានធ្វើការប្រគល់ស្លាកសញ្ញា Thai SELECT ទៅដល់ភោជនីយដ្ឋានថៃនៅប្រទេសកម្ពុជា ដើម្បីធានាថា ភោជនីយដ្ឋានថៃទាំងនោះ មានលក់ម្ហូបថៃដែលមានរសជាតិបែបថៃពិតៗ ដោយភោជនីយដ្ឋានថៃដែលបានទទួលស្លាកសញ្ញា Thai SELECT ជាភោជនីយដ្ឋានដែលមានមុខម្ហូបថៃមិនតិចជាង ៨០% នៃមុខម្ហូបទាំងអស់ មានស្តង់ដារ របៀបផ្សំគ្រឿងបែបថៃ ប្រើប្រាស់វត្ថុធាតុដើម និងគ្រឿងផ្សំរបស់ថៃ រួមទាំងតុបតែងបរិយាកាសនៅខាងក្នុងហាងដែលមានលក្ខណៈបែបថៃផងដែរ ហើយបានទទួលការវាយតំលៃដោយផ្អែកលើការអោយពិន្ទុទៅតាមការកំណត់របស់គណៈកម្មាការដែលបានបង្កើតឡើង។

ចង់ទទួលទាន​ម្ហូបថៃ រសជាតិបែបថៃពិតៗ កុំភ្លេចអញ្ជើទៅ​ភោជនីយដ្ឋាន​ដូចមានរាយនាមខាងលើណា!