iPhone 12 ថ្មតូចជាងមុន ប៉ុន្តែល្អបន្តិចវិញព្រោះឈីប A14

2020-08-26 05:08:52
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone ដែលចេញនាចុងឆ្នាំ ២០២០ នេះ គឺមានបំពាក់ដោយបន្ទះឈីបដែលក្រុមហ៊ុន TSMC ផលិតឡើងដោយប្រើប្រាស់វិធីសាស្ត្រ 5nm Node មិនបន្តប្រើវិធីសាស្ត្រ 7nm Node ដូចឈីបថ្មីៗចុងក្រោយនេះឡើយ។

វិធីសាស្ត្រថ្មីនេះនឹងធ្វើឲ្យបន្ទះឈីបកាន់តែមានកម្លាំងខ្លាំងជាងមុន ហើយសន្សំសំចៃថាមពលបានច្រើនជាងមុនទៀតផង។ TSMC បានបង្ហាញថា បន្ទះឈីប A ជំនាន់ថ្មី នឹងអាចសន្សំសំចៃថាមពលបានប្រសើរជាងមុន ៣០% និងមានកម្លាំងខ្លាំងជាងមុន ១៥%។

សមត្ថភាពសន្សំសំចៃថាមពលរបស់ឈីបស៊េរីថ្មី នឹងអាចជួយប៉ះប៉ូវលើទំហំថ្ម iPhone ជំនាន់ថ្មី ដែល Apple បានទម្លាក់ទំហំថ្មកាន់តែតូចជាងមុន បើប្រៀបនឹងត្រកូល iPhone 11។

TSMC បានបង្ហាញឲ្យដឹងថានាឆ្នាំក្រោយខ្លួននឹងចាប់ផ្ដើមផលិតឈីបដោយប្រើវិធីសាស្ត្រ 5nm Node ជំនាន់ថ្មីមួយទៀតដែលគេឲ្យឈ្មោះថា N5P។ វិធីសាស្ត្រ N5P នេះរំពឹងថានឹងធ្វើឲ្យបន្ទះឈីបសន្សំសំចៃថាមពលបានប្រសើរជាង 5nm Node នាឆ្នាំនេះបានច្រើនដល់ ១០% និងបង្កើនសមត្ថភាពបាន ៥% ផងដែរ៕

ប្រភព៖ PhoneArena ប្រែសម្រួល៖ សុខហេង