Jiro ចាប់គូ «KrisHanTao» និងចង់សម្ដែងរឿងតួឯកប្រុសសុទ្ធជាមួយមនុស្ស ២នាក់
- 2020-12-16 03:39:00
- ចំនួនមតិ 0 | ចំនួនចែករំលែក 0
Jiro ចាប់គូ «KrisHanTao» និងចង់សម្ដែងរឿងតួឯកប្រុសសុទ្ធជាមួយមនុស្ស ២នាក់
ចន្លោះមិនឃើញ
Jiro Wang គឺជាតារារបស់កម្មវិធី "Shine! Super Brothers" ដែលចាប់ផ្ដើមល្បីឈ្មោះកាន់តែខ្លាំង ពេលបង្ហាញមុខក្នុងភាគទី២។
ថ្មីៗ Jiro Wang បានផ្ដល់បទសម្ភាសជាមួយនឹង Tan Zhi ដោយបានឆ្លើយនូវសំណួរជាច្រើនដែលក្រុមការងារសារព័ត៌មាននេះរៀបចំរួច។ ប៉ុន្តែក្នុងសំណួរទាំង អស់នោះ មានមួយដែលបង្ហាញពីជម្រើសរបស់តារាប្រុសរូបនេះថា ចង់ឲ្យអ្នកណាសម្ដែងជាមួយអ្នកណាក្នុងរឿងដែលមានតែតួឯកប្រុស។
ចម្លើយគឺពិតជាភ្ញាក់ផ្អើល នោះគឺអ្នកដែល Jiro ជ្រើសមាន Kris Wu, Luhan និង Huang Zitao។ បន្ថែមពីលើនោះ Jiro ក៏បាននិយាយដែរថា រាល់ពេលឃើញ អ្នកទាំង ៣លេងសើចជាមួយគ្នា និងស្និទ្ធស្នាលគ្នាខ្លាំង លោកពិតជាសប្បាយចិត្ត ក៏ដូចជារំភើបនឹងមិត្តភាពពួកគេណាស់ ហើយបើ ពួកគេសម្ដែងជាតួប្រុសជាមួយគ្នាមិនដឹងល្អយ៉ាងណា។
ចំណែកលោកខ្លួនឯង បើមានគេហៅឲ្យថតរឿងបែបនេះ លោកចង់សម្ដែងជាមួយនឹង Yu Menglong និង Ding Zeren ដែលជាតារាក្នុងកម្មវិធី "Shine! Super Brothers" ជាមួយលោកដែរ៕
ប្រភព៖ 38jiejie