Pep ទល់នឹង Mourinho ពីប៉ះគ្នានៅវគ្គផ្ដាច់ព្រ័ត្រពានស្ដេចអេស្ប៉ាញ មកប៉ះវគ្គ Final ពានខារ៉ាបាវ
- 2021-01-08 10:31:48
- ចំនួនមតិ 0 | ចំនួនចែករំលែក 0
Pep ទល់នឹង Mourinho ពីប៉ះគ្នានៅវគ្គផ្ដាច់ព្រ័ត្រពានស្ដេចអេស្ប៉ាញ មកប៉ះវគ្គ Final ពានខារ៉ាបាវ
ចន្លោះមិនឃើញ
លោក Pep Guardiola និងលោក Jose Mourinho នឹងត្រូវប៉ះគ្នានៅក្នុងវគ្គផ្ដាច់ព្រ័ត្រពានខារ៉ាបាវ ក្រោយពី Manchester City យកឈ្នះ United ២-០។
អ្នកទាំងពីរធ្លាប់មានប្រវត្តិស៊ីសាច់ហុតឈាមគ្នាទៅវិញទៅមក ដោយធ្លាប់លេងទល់ជាមួយគ្នា ២៤ប្រកួត (Pep ឈ្នះ ១១ដង Mourinho ឈ្នះ ៧ដង និងស្មើ ៦ដង)។ ចំណោម ២៤ប្រកួតនេះ សុទ្ធតែប្រកួតសំខាន់ៗដូចជាប្រកួតនៅក្នុងវគ្គពាក់កណ្ដាលផ្ដាច់ព្រ័ត្រ UEFA Champions League។
យ៉ាងណាក៏ដោយ អ្នកទាំងពីរជួបគ្នាក្នុងវគ្គ Final តែម្ដងគត់គឺ វគ្គផ្ដាច់ព្រ័ត្រពានព្រះមហាក្សត្រអេស្ប៉ាញ Copa del Rey។ កាលនោះ Pep ដឹកនាំ Barcelona ហើយ Mourinho ដឹកនាំ Real Madrid ហើយអ្នកដែលឈ្នះគឺ Mourinho។
សូមជម្រាបផងដែរថា Pep លេង Final ១១ដង ចាញ់តែម្ដងគត់ ខណៈ Mourinho លេង Final ១៥ដង និងចាញ់ ៣ដង៕