តើ Jin ជាមនុស្សបែបណា? ចំណុច ១០យ៉ាងនេះនឹងជួយអ្នកឲ្យស្គាល់បងធំ BTS កាន់តែច្បាស់

2021-01-29 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮពាក្យថា «Worldwide Handsome» គេនឹងនឹកឃើញ Jin សមាជិកក្រុម BTS មុនគេ។ លោកគឺជាមនុស្សដែលចូលចិត្តបង្កភាពសប្បាយរីករាយ និងតែងលើកទឹកចិត្តគ្រប់គ្នាឲ្យជឿជាក់លើខ្លួនឯងចំពោះអ្វីដែលយើងមាន។

ងាកចូលអាជីពសិល្បៈ Jin គឺជាសមាជិកដែលកាន់តួនាទីខាងច្រៀងក្នុងក្រុម ហើយទោះបីនេះមិនមែនជាក្ដីប្រាថ្នារបស់លោកមុនចូលសិល្បៈ ប៉ុន្តែ Jin នៅតែអាចធ្វើបានដោយគ្មានបញ្ហា អាស្រ័យលើការខិតខំបន្ថែម។

ថ្ងៃនេះ Sabay សូមលើកយករឿងរ៉ាវពិតមួយចំនួនទាក់ទងនឹងបងធំ BTS រូបនេះ។ ចង់ដឹងថាមនុស្សម្នាក់ដែលលេងច្រើននៅពីមុខអ្នកគ្រប់គ្នារូបនេះជាអ្នកណាឲ្យប្រាកដ?

១. Jin មានឈ្មោះពិត Kim Seok Jin កើតថ្ងៃទី០៤ ខែធ្នូ ឆ្នាំ១៩៩២ ក្នុងក្រុង Anyang ខេត្ត Gyeonggi-Do ប្រទេសកូរ៉េខាងត្បូង ប៉ុន្តែពេល Jin មានអាយុ ១ខួប គ្រួសារលោកក៏បានផ្លាស់ទៅរស់នៅក្នុងក្រុង Gwacheon។ ក្នុងគ្រួសារ ក្រៅពីប៉ាម៉ាក់ Jin មានបងប្រុសម្នាក់ អាយុបងលោក ២ឆ្នាំ។ មួយវិញទៀតបើតាមព័ត៌មានចុះផ្សាយ Jin មកពី គ្រួសារអ្នកមាន ដោយឪពុកគឺជានាយកក្រុមហ៊ុន។

២. ការសិក្សាវិញ Jin បានបញ្ចប់ការសិក្សានៅសកលវិទ្យាល័យ Konkuk និង Hanyang Cyber ជំនាញសិល្បៈភាពយន្ត (បញ្ចប់ថ្នាក់អនុបណ្ឌិត)។ មួយវិញទៀតកាលពីរៀនថ្នាក់មធ្យមសិក្សា Jin ក៏មានឱកាសបានទៅប្រទេសអូស្ត្រាលី ដើម្បីចុះកម្មសិក្សាផ្លាស់ប្ដូរបទពិសោធទៀតផង។

៣. Jin ជាមនុស្សដែលចូលចិត្តគូរគូរមនុស្សជុំវិញខ្លួន ពេលខ្លះក៏កាច ប៉ុន្តែចិត្តល្អ មើលថែគ្រប់គ្នា ជាមនុស្សស្អាតបាត (អនាម័យ មានរបៀបរៀបរយ) ចូលចិត្តបង្កភាពសប្បាយរីករាយ តែពេលខ្លះក៏ចូលចិត្តភាពស្ងប់ស្ងាត់ដែរ។

៤. សមត្ថភាព និងការកម្សាន្តផ្សេងៗរបស់ Seokjin មាន៖

ចម្អិនម្ហូប
ប្រមូលរបស់ណាដែលទាក់ទងនឹង Mario
លេងហ្គេម League Of Legends
និយាយរឿងកំប្លែង
លេងព្យ៉ាណូ
ពូកែញ៉ាំ ហើយញ៉ាំច្រើន
ចូលចិត្តហៅខ្លួនឯងប្រុសស្អាត
ព្រិចភ្នែកដាក់គេ
ចូលចិត្តលើកដៃ ផ្លុំស្នាមថើបឲ្យគេ

៥. Jin មិនចូលចិត្តមើលរឿងភ័យរន្ធត់ទេ ព្រោះលោកខ្លាច។ មានម្ដងនោះកាលពីរៀនឆ្នាំទី ១នៅមហាវិទ្យាល័យ លោកសម្រេចចិត្តមើលរឿងខ្មោចមួយរឿង ហើយចុងក្រោយ Jin ត្រូវតោងប្រតាយអ្នកអង្គុយជិតខ្លួនយ៉ាងស្អិត។

៦. Jin ជាអ្នកដែលចូលចិត្តញ៉ាំ និងចូលចិត្តធ្វើម្ហូប ប៉ុន្តែគួរឲ្យស្ដាយ ដោយសារលោកមានប្រតិកម្មចំពោះមុខម្ហូបមួយចំនួន (ជាឧទាហរណ៍ដូចជា ខ្ទឹមស និងដំឡូងបារាំង) លោកក៏សម្រេចបោះបង់អ្វីដែលលោកចូលចិត្តមួយនេះ។

៧. ឲ្យតែពេលឃ្លានបាយ Jin តែងព្រិចភ្នែកខាងឆ្វេងឥតឈប់។ ចំណែកម្ហូបដែល Jin ចូលចិត្តជាងគេមានបង្កង សាច់ មីត្រជាក់ (Naengmyun) មាន់ និងអាហារដែលមានជាតិខ្លាញ់។

៨. ចម្លែកទេ? Jin ចូលចិត្តញ៉ាំផ្លែស្ត្របឺរីណាស់ ប៉ុន្តែលោកបែរជាមិនចូលចិត្តញ៉ាំចំណីណាដែលមានរសជាតិស្ត្របឺរីទៅវិញ។

៩. របស់ ៣យ៉ាងដែល Jin ត្រូវការដើម្បីបំពេញក្ដីសុខរបស់ខ្លួនមាន៖ លុយ មិត្តភ័ក្តិ និងកន្លែងដែលស្ងប់ស្ងាត់។

១០. នារីក្នុងក្ដីសុបិនរបស់ Jin គឺជាអ្នកដែលមានសម្រស់ Cute និងចរិតគួរឲ្យស្រឡាញ់ដូចកូនឆ្កែ។ ម្នាក់នោះគួរតែជានារីដែលពូកែធ្វើម្ហូប ចិត្តល្អ និងអាចមើលថែលោកបានយ៉ាងល្អ៕