លន បញ្ញា សងសឹក ផល សោភ័ណ្ឌ រួចហើយនៅសល់ជើងខ្លាំង២រូបទៀតដែលត្រូវ...

2021-03-19 09:13:28
ចំនួនមតិ 0 | ចំនួនចែករំលែក 0

ចន្លោះមិនឃើញ

លន បញ្ញា សងសឹកកីឡាករ ផល សោភ័ណ្ឌ បានសម្រេចហើយ ប៉ុន្តែនៅសល់ជើងខ្លាំងចាស់វស្សា ២រូប ទៀតដែលរូបគេត្រូវសងសឹកបន្តនៅពេលខាងមុខគឺ មឿន សុខហ៊ុច និង ឡៅ ចិត្រា។

លន បញ្ញា ពេលឈ្នះខ្សែក្រវាត់

បើគិតទៅប៉ុន្មានខែចុងក្រោយនេះ លន បញ្ញា ពិតជារីកចម្រើន និងគួរឲ្យសរសើរមែនតាមរយៈការប្រកួតសងសឹកលើដៃគូចាស់បានជាបន្តបន្ទាប់ដូចជា យ៉េន ឌីណា សូត្រ ប៊ុនធី ផល សោភ័ណ្ឌ ជាដើម។ ការខំប្រឹងតស៊ូរបស់អ្នកលេងគុនខ្មែរដើមកំណើតមកពីខេត្តព្រៃវែងរូបនេះពិតជាបានផលល្អណាស់បានទាំងខ្សែក្រវាត់ និងមេដាយមាសជាដើម។

បញ្ញា ពេលចាញ់ ឡៅ ចិត្រា

បើទោះជាឈ្នះរៀមច្បង ២-៣ ប្រកួតចុងក្រោយនេះមែន ប៉ុន្តែ លន បញ្ញា នៅមិនទាន់បានជួបសងសឹកកីឡាករជើងខ្លាំង២រូបទៀតនោះទេ ដែលសុទ្ធតែជាកីឡាករមានបទពិសោធ និងកេរ្តិ៍ឈ្មោះល្បីនៅខ្មែរតែម្ដងគឺ មឿន សុខហ៊ុច និង ឡៅ ចិត្រា។ ដែលអ្នកទាំងពីរនាក់នេះធ្លាប់ឈ្នះពិន្ទុ និងវ៉ៃឲ្យរូបគេសន្លប់ទៀតផង។ រង់ចាំមើលតើពេលវេលាសមស្របណាមួយ បញ្ញា ប៉ះសងសឹកលើកីឡាករណាមុនរវាងអ្នកទាំងពីរនាក់នេះ។

កីឡាករ មឿន សុខហ៊ុច

រំលឹកដែរថា លន បញ្ញា ជាកីឡាករមកនៃក្លឹបកងយោធពលខេមភូមិន្ទ។ កីឡាកររូបនេះទើបសងសឹកបានដោយវ៉ៃ ផល សោភ័ណ្ឌ ឲ្យសន្លប់នៅទឹកទី៣ លើសង្វៀនបាយ័ន កាលពីថ្ងៃអាទិត្យ ទី១៤ មីនា ២០២១។ បញ្ញា ធ្លាប់ចាញ់ពិន្ទុ មឿន សុខហ៊ុច នៅ CNC និងចាញ់សន្លប់របស់ ឡៅ ចិត្រា នៅវគ្គផ្ដាច់ព្រ័ត្រខ្សែក្រវាត់មាស សង្វៀន PNN៕

អត្ថបទ៖ នួន ស៊ីណា