ពិត​ជា​រន្ធត់​មែន​សម្រាប់​ការ​ប្រកួត​របស់​សេវា​កម្សាន្ត AK Online នៅ​វគ្គ​ពាក់​កណ្ដាល​ផ្ដាច់ព្រ័ត្រ​អម្បាញ់មិញ​នេះ​ដែល​ជា​ការ​ប៉ះ​គ្នា​រវាង​ក្រុម The PremieR អតីត​ជើងខ្លាំង​សេវា​កម្សាន្ត AK តំណាង​ខេត្ត​សៀមរាប​ប្រចាំ​ឆ្នាំ ២០១៣ និង​ក្រុម The Anynomous សមាជិក Clan The_Murderer ដោយ​ជើងខ្លាំង​ទាំង ២ ក្រុម​នេះ​​ត្រូវ​តតាំង​គ្នា​រហូ​ដល់ទៅ ៩ ទឹក ទើប​រក​ឃើញ​ជ័យជម្នះ។

ជា​លទ្ធផល ក្រុម The PremieR បាន​យកឈ្នះ​ក្រុម Anynomous ទាំង​បុក​ពោះ​បំផុត​ប្រចាំ​ព្រឹត្តិការណ៍ CCC ភ្នំពេញ ២០១៤ ក្នុង​លទ្ធផល ៥ ទល់នឹង ៤។

សម្រាប់​ការ​ប្រកួត​ដ៏​រន្ធត់​នេះ ក្រុម​ទាំង ២ មិន​អាច​ទទួល​បាន​ពិន្ទុ​នាំ​មុខ​ឡើង​ដល់ ២ ពិន្ទុ​ឡើយ ពោល​គឺ​ពួក​គេ​មាន​ឱកាស​ត្រឹម​ទទួល​បាន​ពិន្ទុ​នាំ​មុខ​គ្នា​ម្ដង​ម្នាក់​ត្រឹម ១ ពិន្ទុ​ប៉ុណ្ណោះ។ ការ​ប្រដេញ​ពិន្ទុ​បន្ត​កើត​មាន​ឡើង​ជា​និច្ច រហូត​ដល់​ប្រកួត​ទី ៩ ដែល​ជា​ប្រកួត​កាត់​សេចក្ដី​ទើប​ក្រុម The PreMieR អាច​រក​ឃើញ​ជ័យជម្នះ​។

ចង់​ដឹង​ថា ជើងខ្លាំង​ទាំង ២ នេះ​មាន​ពិន្ទុ​ប្រដេញ​គ្នា​រន្ធត់​យ៉ាង​ណា សូម​ទស្សនា​លទ្ធផល​ខាង​ក្រោម​នេះ៖

ThePremier 1 - 0 Anonymous ThePremier 1 - 1 Anonymous ThePremier 1 - 2 Anonymous ThePremier 2 - 2 Anonymous ThePremier 3 - 2 Anonymous ThePremier 3 - 3 Anonymous ThePremier 4 - 3 Anonymous ThePremier 4 - 4 Anonymous ThePremier 5 - 4 Anonymous

សម្រាប់​ជ័យជម្នះ​របស់​ក្រុម The PreMieR លើ​ក្រុម Anynomous បាន​ធ្វើ​ឲ្យ​ក្រុម The PremieR ទទួល​បាន​កៅអី​សម្រាប់​ការ​ប្រកួត CCC Final នៅ​ថ្ងៃ​ស្អែក​រួច​ទៅ​ហើយ។ យ៉ាងណាមិញ មុន​នឹង CCC Final មក​ដល់ ក្រុម The PreMieR ត្រូវ​ប្រកួត​នៅ​វគ្គ​ផ្ដាច់ព្រ័ត្រ​នៃ​ព្រឹត្តិការណ៍ CCC ភ្នំពេញ​សិន​ដែល​នឹង​ចាប់ផ្ដើម​បន្តិច​ទៀត​នេះ ដើម្បី​ដណ្ដើម​តំណែង​ជើងឯក​ប្រចាំ​ភ្នំពេញ ក៏​ដូច​ជា​ប្រាក់​រង្វាន់​ពាន់​ដុល្លារ​ផង​ដែរ។

អត្ថបទ៖ ភីឆាយ