តៈវ៉ាន់ឆាយ ល្បីទាត់ធ្ងន់ហើយច្បាស់ តែប៉ះចិនដៃរហ័ស បាត់បង់ស្មារតីត្រឹមទឹក២

2021-04-22 08:14:42
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ថៃវ័យក្មេង តៈវ៉ាន់ឆាយត្រូវបានគេអ្នកទស្សនាមើលឃើញថា ជាកីឡាករមានក្បាច់ទាត់ល្អ ច្បាស់ហើយធ្ងន់ ប៉ុន្តែប៉ះកីឡាករចិនកាលពីឆ្នាំមុន គេបានបោះបង់ការប្រកួតត្រឹមទឹកទីពីរ។

កាលពីចុងឆ្នាំ២០២០ តៈវ៉ាន់ឆាយ ដែលមកពីក្លឹបភីខេ បានទៅចូលរួមប្រកួតកម្មវិធី Wu Lin Feng ដណ្ដើមពានក្នុងប្រភេទទម្ងន់៧៦គ.ក នៅប្រទេសចិន។ តៈវ៉ាន់ឆាយ ធ្វើបានល្អមែនទែននៅវគ្គប្រកួតក្នុងពូល ដោយឈ្នះ៣ប្រកួតជាប់គ្នា មានឱកាសឈានចូលវគ្គពាក់កណ្ដាលផ្ដាច់ព្រ័ត្រ។

វគ្គពាក់កណ្ដាលផ្ដាច់ព្រ័ត្រ តៈវ៉ាន់ឆាយត្រូវជួបជាមួយកីឡាករម្ចាស់ផ្ទះចិន Jia Aoqi។ ជារឿងភ្ញាក់ផ្អើល តៈវ៉ាន់ឆាយ ដែលជាកីឡាករល្អទាត់នោះ មិនអាចទប់កណ្ដាប់ដៃដ៏រហ័សរបស់ Jia Aoqi បានឡើយ។

ក្នុងទឹកទី២ Jia Aoqi បានម៉ាត់ចូលពេញៗមុខរបស់ តៈវ៉ាន់ឆាយ ធ្វើឲ្យអាជ្ញាកណ្ដាលបញ្ឈប់ការប្រកួតតែម្ដង។ Jia Aoqi បានឡើងវគ្គផ្ដាច់ព្រ័ត រួចបន្តយកឈ្នះកីឡាករថៃម្នាក់ទៀតគឺ Petchtanong Banchamek គ្រងពាន Wu Lin Feng 2020។ Wu Lin Feng ជាកម្មវិធីដែលប្រកួតបែប Kickboxing៕