មូលហេតុពិតជំរុញចិត្តសាន់ឆាយដាក់ពាក្យលែងប្ដី + ម្ដាយខាងស្រីប្រតិកម្មបែបណានឹងរឿងនេះ?
- 2021-06-16 03:50:08
- ចំនួនមតិ 0 | ចំនួនចែករំលែក 0
មូលហេតុពិតជំរុញចិត្តសាន់ឆាយដាក់ពាក្យលែងប្ដី + ម្ដាយខាងស្រីប្រតិកម្មបែបណានឹងរឿងនេះ?
ចន្លោះមិនឃើញ
ថ្មីៗនេះបណ្ដាញផ្សព្វផ្សាយព័ត៌មានចិនបានផ្សព្វផ្សាយជាច្រើនទាក់ទងនឹងការប្រកាសរបស់ Barbie Hsu (សាន់ឆាយ) ទាក់ទងនឹងការដាក់ពាក្យលែងប្ដីនាងគឺ អ្នកជំនួញមានមុខមានមាត់ម្នាក់ឈ្មោះ Wang Xiaofei។
ករណីនេះជាការការស្នើរសុំលែងមុនពីខាងភាគី Barbie Hsu ស្របពេលខាងប្ដីមិនបានដាក់ពាក្យលែងតបមកវិញទេ។ ទោះបីជាលោកបានសុំទោសជាសាធារណៈហើយក៏ពិតមែន ក៏ពួកគេនៅតែមិនអាចដោះស្រាយបញ្ហាវិវាទក្នុងគ្រួសារនេះបានដដែល។
មានពាក្យលេចឮថា Barbie ជាអ្នកដាក់ពាក្យសុំលែងមុន ដោយសារប្ដីរបស់នាងគឺ Xiaofei ចេញមុខបង្ហាញទស្សនៈនយោបាយចម្រូងចម្រាសញឹកញាប់ពេកលើបណ្ដាញសង្គម។ ប្រការនេះ បានធ្វើឲ្យ Barbie មានការបារម្ភខ្លាំងចំពោះកូនៗដែលនឹងត្រូងក្លាយជាជនរងគ្រោះ អាចត្រូវបានមិត្តភ័ក្តិនៅសាលាលែងរាប់រកលេងជាមួយ និងប៉ះពាល់ដល់កត្តាផ្សេងទៀតសម្រាប់កូនពេលទៅសាលា ស្របពេលមានអាយុនៅក្មេងខ្ចីនៅឡើយ។
ព័ត៌មានចេញផ្សាយដោយ Jaynestars នៅបានបញ្ជាក់ទៀតថា Xiaofei បានទាក់ទងវីដេអូ ខលទៅ Barbie ប៉ុន្តែនាងបានយកឲ្យកូនអ្នកទទួលជំនួស ហើយបដិសេធមិននិយាយជាមួយ Xiaofei ដាច់ខាត។
ក៏មានការឲ្យដឹងដែរថា តាំងពីពេលព័ត៌មានលែងលះផ្ទុះខ្លាំងមក Xiaofei ឧស្សាហ៍បង្ហោះបទចម្រៀង និងការផ្លាស់ប្ដូឬកន្លែងធ្វើការថ្មី ទាំងនេះធ្វើឲ្យគ្រប់គ្នាជឿថា ជាសារសម្រាប់ជូនដល់ Barbie។ លោកបានព្យាយាមបញ្ចប់ការងារគ្រប់យ៉ាង មានឱកាសបានទៅផ្ទះឲ្យបានលឿន ដើម្បីដោះស្រាយបញ្ហា។
ទាក់ទងនឹងរឿងនេះ ម្ដាយរបស់ Barbie បានបញ្ជាក់ថា អ្នកស្រីលែងចង់ខ្វល់ពីរឿងនេះហើយ ហើយក៏សំណូមពរឲ្យមហាជន កុំផ្ដោតការចាប់អារម្មណ៍ពីបញ្ហាគ្រួសារមួយនេះអី ព្រោះជម្លោះរវាង Barbie និង Xiaofei គឺជារឿងតូចតាចទេ ហើយរឿងដែលធំ និងគួរបារម្ភ យកចិត្តទុកដាក់ខ្លាំងនោះគឺ បញ្ហាជំងឺឆ្លងដែលកំពុងរាតត្បាតពេលនេះទៅវិញទេ៕