ប្រវត្តិផ្លូវរថភ្លើងអយស្ម័យយាន មរតកបារាំង របស់ខេត្តបាត់ដំបង ដែលមានអាយុកាលជាង៩០ឆ្នាំ
- 2021-08-04 09:07:18
- ចំនួនមតិ 0 | ចំនួនចែករំលែក 0
ប្រវត្តិផ្លូវរថភ្លើងអយស្ម័យយាន មរតកបារាំង របស់ខេត្តបាត់ដំបង ដែលមានអាយុកាលជាង៩០ឆ្នាំ
ចន្លោះមិនឃើញ
ដំបូងឡើយប្រព័ន្ធផ្លូវដែករបស់ប្រទេសកម្ពុជាត្រូវបានកសាងឡើងដោយរដ្ឋអំណាចអាណានិគមបារាំងនៅទសវត្សឆ្នាំ ១៩៣០។ ផ្លូវដែកទី១ភាគខាងជើងមានប្រវែង៣៨៦គីឡូម៉ែត្រ ភ្ជាប់ពីក្រុងភ្នំពេញទៅនឹងទីប្រជុំជនប៉ោយប៉ែត ក្នុងខេត្តបន្ទាយមានជ័យជាប់នឹងព្រំដែនប្រទេសថៃកាត់តាមខេត្តពោធិ៍សាត់និងបាត់ដំបង។
នៅឆ្នាំ១៩៤២ ផ្នែកចុងក្រោយនៃផ្លូវដែកនេះត្រូវបានតភ្ជាប់ជាមួយនឹងបណ្ដាញផ្លូវដែករបស់ប្រទេសថៃ។ ជាការពិតកម្ពុជាចាំបាច់ណាស់ក្នុងការបង្កើត ហេដ្ឋារចនាសម្ព័នគ្រប់ទីកន្លែងទូទាំងខេត្តក្រុងនៃប្រទេសកម្ពុជា ព្រោះថាផ្លូវរថភ្លើងគឺជាមធ្យោបាយដឹកជញ្ជូនដ៏សំខាន់ ទាំងក្នុងការដឹកជញ្ជូនអ្នកដំណើរនិងទំនិញគ្រប់ប្រភេទឆ្លងកាត់ប្រទេស និងឆ្ពោះទៅកាន់កំពង់ផែក្រៅប្រទេសក្រៅអំពីនោះផ្លូវដែកបានចូលរួមកាត់បន្ថយគ្រោះថ្នាក់ចរាចរណ៍ និងចំណេញពេលវេលាទៀតផង។
ក្នុងនោះខេត្តបាត់ដំបងក៏មានផ្លូវដែកចំនួនពីកំណាត់ដែរគឺ បាត់ដំបង ពោធិ៍សាត់ មានប្រវែង១០៧គីឡូម៉ែត្រ និងមួយខ្សែទៀតបាត់ដំបង បន្ទាយមានជ័យមានប្រវែង១១៣គីឡូម៉ែត្រ។ នាពេលបច្ចុប្បន្នប្រទេសកម្ពុជាមានផ្លូវដែកចំនួន ២ ខ្សែគឺខ្សែទី ១ ចេញពីភ្នំពេញទៅក្រុងប៉ោយប៉ែតមានចម្ងាយ ៣៨៦ គីឡូម៉ែត្រត្រូវបានសាងសង់ពីឆ្នាំ ១៩២៩ ដល់ឆ្នាំ ១៩៤២ និងខ្សែទី ២ ចេញពីភ្នំពេញទៅកំពង់ផែសមុទ្រក្រុងព្រះសីហនុមានចម្ងាយ ២៦៦ គីឡូម៉ែត្រត្រូវបានសាងសង់ពីឆ្នាំ ១៩៦០ ដល់ឆ្នាំ ១៩៦៩៕