ពិសី កីឡាករមុជទឹកអាមេរិកដើមកំណើតខ្មែរ នឹងប្រកួតអូឡាំពិកថ្ងៃនេះហើយ

2021-08-06 03:05:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករលោតទឹកយុវជនជម្រើសជាតិអាមេរិកដែលមានដើមកំណើតខ្មែរ Jordan Pisey Windle នឹងត្រូវប្រកួតកីឡាអូឡាំពិកនៅថ្ងៃនេះហើយ លើវិញ្ញាសាជ្រមុជទឹកកម្ពស់១០ម៉ែត្រDiving-Men’s 10m Platform។

ក្នុងការប្រកួតនេះដែរ ពិសី នឹងត្រូវលេងវគ្គជម្រុះដំបូងសិន ដោយមានកីឡាករមកពីបណ្ដាប្រទេសជាច្រើន ជាពិសេសចិនដែលមានកីឡាករពោរពេញដោយបទពិសោធនិងឈ្នះពានរង្វាន់ជាច្រើនមកហើយ។ ប្រសិនបើពិសីអាចធ្វើបានល្អ នោះរូបគេនឹងអាចជាប់ឈ្មោះដើម្បីឡើងទៅលេងវគ្គ Semi Final និង Final នៅថ្ងៃស្អែក ដើម្បីដណ្ដើមយកមេដាយមាសតែម្ដង។

លោក Jerry Windle ដែលជាឪពុករបស់ ពិសី មានទំនុកចិត្តថាកូនខ្មែរម្នាក់នេះនឹងអាចធ្វើវាបាន។ ដោយរូបគេបានឈ្នះមេដាយជាច្រើនមកហើយឱ្យអាមេរិក ក្នុងការប្រកួតកីឡាលោតទឹកនេះ។ Jordan Pisey Windle ដែលជាកុមារកំព្រាមានស្រុកកំណើតនៅខេត្តព្រៃវែង មានវាសនាទៅរស់នៅអាមេរិកតាំងពីអាយុ២ខួប។ រូបគេជាកីឡាករលោតទឹកដ៏ឆ្នើមនៅអាមេរិក ដោយកាលពីអាយុ១២ឆ្នាំ រូបគេប្រកួតឈ្នះពានរង្វាន់ថ្នាក់ជាតិសម្រាប់វិញ្ញាសាកីឡាលោតទឹកកម្ពស់១០ម៉ែត្រ។ ក្នុងឆ្នាំបន្តបន្ទាប់មកទៀត គាត់ក៏បានឈ្នះមេដាយមាសសម្រាប់ការប្រកួតថ្នាក់ជាតិនៅរដ្ឋ Arizona និងមេដាយប្រាក់ និងសំរឹទ្ធ សម្រាប់ការប្រកួតថ្នាក់ជាតិពីរផ្សេងទៀត៕