ស្ថានភាពនៅអាហ្វហ្គានីស្ថាន កំពុងត្រូវបានចាប់អារម្មណ៍ដោយក្រសែភ្នែកប្រជាជននៅទូទាំងពិភពលោក។ ក្រោយពេលអាមេរិក ដកទ័ពចេញមិនទាន់ស្ងួតជើងធ្មេញផង ក្រុមសកម្មភាពប្រយុទ្ធតាលីបង់ ចាប់ផ្អើមបញ្ចេញឥទ្ធិពលរបស់ខ្លួន វាយដណ្តើមខេត្ត និងទីក្រុងសំខាន់ៗនៃប្រទេសអាហ្វហ្គានីស្ថាន មកកាន់កាប់ជាបន្តបន្ទាប់ ហើយពេលថ្មីៗនេះ វាយយកទីក្រុង កាប៊ុល ដែលជារដ្ឋធានីនៃប្រទេសនេះ។

ស្របពេលដែលក្រុម តាលីបង់ វាយយកបានរដ្ឋធានី កាប៊ុល ធ្វើឱ្យប្រជាជនអាហ្វហ្គានីស្ថាននាំគ្នាទិញសំបុត្រយន្តហោះ ដើម្បីទៅកាន់ប្រទេសផ្សេង ដោយមិនចង់រស់នៅក្រោមការដឹកនាំរបស់ក្រុម តាលីបង់។ ពលរដ្ឋអាហ្វហ្គានីស្ថានមួយចំនួនទៀត ទទួលបានសិទ្ធអនុគ្រោះ ជ្រកកោណនៅប្រទេសក្រៅ។

ជាក់ស្តែង ក្រោយពេល ក្រុមតាលីបង់ ចួលកាន់កាប់វិមានប្រធានាធិបតី ដើម្បីរង់ចាំការផ្ទេរអំណាចដោយសន្តិវិធី ពលរដ្ឋអាហ្វហ្គាស្ថាន នាំគ្នាសម្រុកទៅកាន់ព្រលានយន្តហោះ ដើម្បីធ្វើការហោះចេញទៅក្រៅប្រទេស។ នៅខណៈពេលដែលដើរឡើងតាមជណ្តើរទៅលើយន្តហោះ គឺមានការប្រជ្រៀតគ្នា និង ដណ្តើមគ្នាឡើង ធ្វើឱ្យមានពលរដ្ឋខ្លះបានរអិលធ្លាក់មកក្រោម៕

វីដេអូ ៖

ប្រភព៖ metro.co.uk   ប្រែសម្រួល ៖ សង្ហា