Rice រើសស្រាបៀរផឹកនិងគប់ត្រឡប់ទៅវិញ ពេលអ្នកគាំទ្រហុងគ្រីគប់ចូលទីលាន
- 2021-09-03 01:34:53
- ចំនួនមតិ 0 | ចំនួនចែករំលែក 0
Rice រើសស្រាបៀរផឹកនិងគប់ត្រឡប់ទៅវិញ ពេលអ្នកគាំទ្រហុងគ្រីគប់ចូលទីលាន
ចន្លោះមិនឃើញ
ខ្សែបម្រើការពារ Declan Rice បានបង្ហាញការឆ្លើយតបទៅកាន់អ្នកគាំទ្រហុងគ្រីយ៉ាងភ្ញាក់ផ្អើល ពេលដែលពួកគេគប់កំប៉ុងជ័រចូលទីលានសំដៅមកកាន់ Raheem Sterling កាលពីយប់មិញ។
អង់គ្លេសបានយកឈ្នះហុងគ្រីដល់ទឹកដី ៤-០ ក្នុងវគ្គជម្រុះ World Cup នៅតំបន់អឺរ៉ុប។ Sterling រកបានមួយគ្រាប់នាទី៥៥ ប៉ុន្តែត្រូវអ្នកគាំទ្ររបស់ក្រុមម្ចាស់ផ្ទះគប់កំប៉ុងជ័រសំដៅមកកាន់គេ ពេលដែលរត់អបអរគ្រាប់បាល់។
ក្នុងពេលដែលរត់អបអរមិត្តរួមក្រុម Rice បានរើសកំប៉ុងជ័រមួយដែលមានស្រាយកមកផឹក មុនពេលគប់វាទៅកាន់ក្រុមអ្នកគាំទ្រហុងគ្រីវិញដើម្បីជាការឆ្លើយតប។ Rice ជាកីឡាករម្នាក់ដែលមិនចេះផឹកស្រាទេ តែសកម្មភាពរបស់គេយប់មិញគឺចង់ឌឺដងទៅកាន់អ្នកគាំទ្រហុងគ្រីវិញ៕