iCloud និង Google Drive សុទ្ធតែជាសេវាកម្មរក្សាទុកពហុទិន្នន័យ ហើយថ្ងៃនេះយើងនឹងចែករំលែកអ្នកប្រើបន្ថែម ថាតើសេវាកម្មទាំងពីរ មួយណាល្អប្រើ និងមានអត្ថប្រយោជន៍ច្រើនជាង សម្រាប់ iPhone និង iPad។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

១. កញ្ចប់សេវាកម្ម Google Drive មានប្រៀបជាង ត្បិតវាផ្ដល់ទំហំផ្ទុកដោយឥតគិតថ្លៃ ទំហំ 15GB ខណៈ iCloud ផ្ដល់ត្រឹម 5GB តែប៉ុណ្ណោះ។

២. ប្រភេទិន្នន័យរក្សាទុក (Back up) នៅលើ iPhone/ iPad សេវាកម្ម iCloud គឺមានប្រៀបជាង Google Drive ដោយវាអាចរក្សាទុកទិន្នន័យជាច្រើនដូចជា រូបថត/វីដេអូ បណ្ដុំ Settings ទាំងអស់ អ៊ីមែល លេខទូរសព្ទ សារ/អ៊ីមែល លេខកូដដែលរក្សាក្នុង Keychain និងកម្មវិធីទាំងអស់ ក៏ដូចជាឯកសារផ្សេងៗដែលអាប់ឡូតដោយផ្ទាល់លើកម្មវិធី File។

ចំណែកឯ Google Drive អាចត្រឹមរក្សាទុកត្រឹម រូបថត វីដេអូ អ៊ីមែល លេខទូរសព្ទ ប្រតិទិន រួមទាំងឯកសារនានាដែលអាប់ឡូតដោយផ្ទាល់លើ Google Drive ហើយវាមិនអាចរក្សាទុកទិន្នន័យរបស់កម្មវិធីទាំងអស់ រួមទាំងមុខងារផ្សេងទៀត លើ iPhone/iPad បានឡើយ។

៣. អត្ថប្រយោជន៍ iCloud មានប្រៀបជាង Google Drive ដោយវាអាច Back up រាល់ទិន្នន័យលើ iPhone/iPad បាន។ រីឯសេវាកម្មសំខាន់ Find My របស់ Apple ប្រើសម្រាប់ស្វែងរកឧបករណ៍ដែលបាត់ ក៏ងាយស្រួលប្រើប្រាស់ជាងមុខងារ Find My Device លើ Google ថែមទៀតផង។

ក្រៅពីនេះ ចំពោះការ Back up រូបថត/វីដេអូ លើ iCloud ក៏ងាយស្រួលប្រើប្រាស់ ទាំងការបើកមើលឬលុប ការចងចាំរាល់ការ Edit និងការកែកុនផ្សេងៗ លើកម្មវិធី Photos ស្រាប់ ដោយដំណើរការប្រសើរជាង កម្មវិធី Google Photos របស់ Google ផងដែរ។

ជារួមមក ព្រោះតែ iCloud ជាសេវាកម្មស្រាប់របស់ Apple សម្រាប់ប្រើលើ OS ខ្លួន ធ្វើឱ្យវាមានលក្ខណៈពិសេ ងាយស្រួលប្រើប្រាស់ និងអត្ថប្រយោជន៍ច្រើនជាង Google Drive។

ប៉ុន្ដែឧបសគ្គមួយនៅត្រង់ថា iCloud ផ្ដល់ទំហំផ្ទុកឥតគិតថ្លៃត្រឹម 5GB តែប៉ុណ្ណោះ ដូចនេះអ្នកត្រូវទិញទំហំផ្ទុកបន្ថែម ដោយតម្លៃទាបជាងគេចាប់ពី ០,៩៩ដុល្លារ ក្នុងមួយខែ ចំពោះទំហំ 50GB។ ប៉ុន្ដែបើអ្នកសេវាកម្មមួយចំនួនក្នុង iCloud មិនចាំបាច់ចំពោះអ្នកនោះទេ អ្នកក៏អាចប្រើ Google Drive ដើម្បី Back up រាល់ទិន្នន័យជាច្រើនបាន ថែមទាំងមិនអស់លុយទៀតផង។

ហើយបើសេវាកម្ម iCloud សំខាន់ចំពោះអ្នក និងទំហំផ្ទុក 5GB ប្រើមិនគ្រប់ អ្នកអាចទិញទំហំផ្ទុក iCloud បន្ថែម ដោយចុចទីនេះ ដើម្បីដឹងពីរបៀបទិញ៕

• ចុចអានបន្ថែម៖ ដឹង២របៀបនេះ រូបថតនិងវីដេអូមិនចេះបាត់ទេ ទោះបីដូរ ឬ ខូចទូរសព្ទ

អត្ថបទ៖ កុសល