នៅអត្ថបទមុន យើងបាននិយាយពី ភាពងាយស្រួល និងអត្ថប្រយោជន៍របស់ iCloud និង Google Drive សម្រាប់រក្សាទុក រូបថត/វីដេអូ ឬឯកសារនានា។ ហើយបើសេវាកម្ម iCloud ចាំបាច់សម្រាប់អ្នក ត្រូវការទំហំផ្ទុកធំបន្ថែម យើងនឹងណែនាំអ្នក ពីរបៀបទិញ កញ្ចប់សេវាកម្ម iCloud ដូចខាងក្រោមនេះ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

របៀបទិញទំហំផ្ទុកបន្ថែមលើ iCloud៖

• ចូលទៅកាន់កម្មវិធី Settings > Apple ID (នៅខាងលើគេបង្អស់) > iCloud
• ជ្រើសរើសយក Manage Storage > Change Storage Plan

• ត្រង់នេះអ្នកអាចរើសទំហំផ្ទុក iCloud ទៅតាមតម្រូវការ ដោយតម្លៃក្នុង១ខែចាប់ពី ១ដុល្លារ ដល់ ៩,៩៩ដុល្លារ ទទួលបានទំហំផ្ទុកពី 50GB ទៅ 2TB
• បន្ទាប់មកចុច Buy និងធ្វើតាមការណែនាំជាការស្រេច

គួរបញ្ជាក់ផងដែរថា ដើម្បីទិញសេវាកម្មនេះបាន អ្នកចាំបាច់បំពេញព័ត៌មានទៅកាន់ Payment & Shipping សម្រាប់ទូទាត់លុយ ដោយតម្រូវឱ្យមានកាតអេឡិចត្រូនិច (Visa/Master Card)។

របៀបបន្ថែម Payment & Shipping៖

• ចូលទៅកាន់កម្មវិធី Settings > Apple ID (នៅខាងលើគេបង្អស់) > Payment & Shipping
• ចុចយក Add Payment Method បន្ទាប់មកបំពេញព័ត៌មានតាមការណែនាំ។

អត្ថបទ៖ កុសល