Tundra ស៊េរីថ្មី ប្រើម៉ាស៊ីនទាក់បូ និង Hybrid ឌីហ្សាញឡើងសម្រាប់បើកពុះជ្រែកវាលខ្សាច់
- 2021-11-04 08:23:32
- ចំនួនមតិ 0 | ចំនួនចែករំលែក 0
Tundra ស៊េរីថ្មី ប្រើម៉ាស៊ីនទាក់បូ និង Hybrid ឌីហ្សាញឡើងសម្រាប់បើកពុះជ្រែកវាលខ្សាច់
ចន្លោះមិនឃើញ
ក្រុមហ៊ុន Toyota បានបញ្ចេញនូវគំរូរថយន្តស៊េរីថ្មីរបស់ខ្លួន គឺម៉ូដែល Tundra 2022 ដែលត្រូវបានឌីហ្សាញឡើងផ្តោតសំខាន់លើការបើកបរឆ្លងកាត់វាលខ្សាច់ ក៏ដូចជាការប្រណាំងរថយន្តលើឆ្នេរខ្សាច់ ដែលបានដាក់ឈ្មោះរថយន្តនេះថា TRD Desert Chase Tundra។
កំពូលរថយន្តភីកអាប់នេះ ត្រូវបានផលិតឡើងដោយយកគំរូម៉ាស៊ីនតាម Tundra TRD Pro 2022 ពោលគឺប្រើម៉ាស៊ីន V6 twin-turbocharge ចំណុះ ៣,៥លីត្រ ផលិតកម្លាំង ៤៣៧សេះ និងកម្លាំងរមួល ៧៩០ញូ៊តុនម៉ែត្រ ជាមួយនឹងប្រអប់លេខអូតូ ១០វគ្គ។ វាក៏ប្រើប្រាស់នូវប្រព័ន្ធ Hybrid ផងដែរ។
នៅក្នុងការប្រណាំងលើផ្លូវ off-road នៅតាមប្រទេសមួយចំនួន រថយន្តទូទៅតែងតែមានយានយន្តជំនួយដើម្បីដឹកឆ្លងកាត់វាលខ្សាច់។ ប៉ុន្តែសម្រាប់ Tundra នេះវិញ គឺមិនត្រូវការជំនួយអ្វីទាំងអស់ ពោលគឺវាអាចទម្លុះឆ្លងកាត់ឧបសគ្គនេះយ៉ាងងាយស្រួល។
ជាមួយនឹងការរត់លើផ្លូវប្រភេទនេះ បូមរបស់ TRD Desert Chase Tundra គឺជាប្រភេទ long-travel suspension ជួយទប់លំនឹងរថយន្ត ហើយកង់ទំហំ ១៨អ៊ីងរួមនឹងសំបកកង់ដែលជាប្រភេទ General Grabber X3 ទំហំ ៣៧អ៉ីញ។ វាក៏មានបំពាក់អំពូល Rigid light ដែលសារ៉េឡើងចុះខ្លួនវាបាន ឯកាងរថយន្ត ក៏ត្រូវអភិវឌ្ឍឡើងកាន់តែមានភាពរឹងមាំទៀតផង។
សូមបញ្ជាក់ថា Toyota បានបញ្ចេញរថយន្ត Tundra នេះ ក្នុងពិព័រណ៌ SEMA Show 2021 នៅ La Vegas សហរដ្ឋអាមេរិក កាលពីថ្ងៃទី២ ខែវិច្ឆិកា ឆ្នាំ២០២១ កន្លងទៅរួមជាមួយ Toyota Tacozilla ដែលជាគំរូរថយន្តថ្មី សម្រាប់ការធ្វើដំណើរផ្សងព្រេង៕