ព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអង្គរ បន្តទទួលចុះឈ្មោះ១សប្ដាហ៍ទៀត

2021-12-02 09:13:40
ចំនួនមតិ 0 | ចំនួនចែករំលែក 0

ចន្លោះមិនឃើញ

តំណាង Cambodia Events Organizer មហាជនដែលចង់ចុះឈ្មោះចូលរួមរត់ប្រណាំងក្នុងព្រឹត្តិការណ៍ពាក់កណ្ដាលម៉ារ៉ាតុងអង្គរ លើកទី២៦នេះសូមរួសរាន់ឡើងការពន្យារពេលត្រឹម១សប្ដាហ៍ទៀតប៉ុណ្ណោះ។

លោក សែម ផល្លារ (រូបភាព CAMSOC)

លោក សែម ផល្លារ តំណាង Cambodia Events Organizer ឬជាអ្នកបច្ចេកទេសក្នុងព្រឹត្តិការណ៍ខាងលើនេះបានឲ្យដឹងថា ខាងកម្មវិធីគឺពន្យារពេលដល់ការចុះឈ្មោះ១សប្ដាហ៍បន្ថែមទៀត ដូច្នេះអ្នកចង់ចូលរួមសូមប្រញាប់។ ព្រោះសម្ភារដូចជាមេដាយ អាវ ផ្លាកលេខគឺសុទ្ធតែកុម្ម៉ង់ធ្វើមកពីបរទេស ដូច្នេះដើម្បីរៀបចំឲ្យទាន់គឺត្រូវការពេលវេលាប្រហែល១ខែ។

អ្នកបច្ចេកទេសខាងលើនេះអំពាវនាវដល់មហាជនសូមចូលរួមក្នុងព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងនេះដើម្បីសុខភាព ដើម្បីការកម្សាន្តសប្បាយជាមួយក្រុមគ្រួសារ និងដើម្បីសប្បុរសធម៌ជួយដល់កុមារកំព្រា មន្ទីរពេទ្យជាដើម។

ការប្រកួតមុនៗ

រំលឹកដែរថា ព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអង្គរ លើកទី២៦ នេះនឹងធ្វើឡើងនៅថ្ងៃទី២ ខែមករា ឆ្នាំ២០២២ ខាងមុខនេះ។ សម្រាប់អ្នកចង់ចុះឈ្មោះអាចទំនាក់ទំនងមកកាន់ គណៈកម្មការជាតិអូឡាំពិកកម្ពុជា (NOCC) ឬ Website: cambodia-events.org/ (Page: Cambodia Events Organizer ) +855 87665569 | +855 15213525។ ថវិកាដែលប្រមូលបានគឺយកទៅធ្វើសប្បុរសធម៌ជួយដល់កុមារកំព្រា មន្ទីរពេទ្យជាដើម និងអង្គការមួយចំនួនទៀត៕