Aubameyang ត្រូវបាន Arsenal ដាក់ពិន័យ ដកតំណែងពី ប្រធានក្រុម

2021-12-14 13:16:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Pierre-Emerick Aubameyang ត្រូវបានក្លឹប Arsenal ដកតំណែងពី ប្រធានក្រុម ដោយយកកំហុសថា កីឡាករនេះប្រព្រឹត្តខុសវិន័យការងារ។ បើយោងតាមការចុះផ្សាយរបស់ក្លឹបអង់គ្លេសនេះផ្ទាល់។

មិនតែប៉ុណ្ណោះ Arsenal ក៏ពិន័យ Aubameyang ដោយមិនដាក់ឈ្មោះឲ្យចូលរួមការប្រកួតតទល់នឹង West Ham នៅពុធនេះឡើយ។

បើយោងតាមការចុះផ្សាយរបស់ The Athleticទាក់ទងនឹង វិន័យការងារដែលកីឡាករខាងលើនេះ បានធ្វើខុសនេះគឺ កីឡាករនេះត្រូវសុំច្បាប់ឈប់ទៅក្រៅប្រទេសដោយយកមូលហេតុថាជាប់ភារកិច្ចខ្លួន ប៉ុន្តែកីឡាករនេះបាន ត្រលប់មកវិញយឺតតាមអ្វី ដែលគេបានសន្យា ដោយបានខកខានមិនទៅហ្វឹកហាត់នៅថ្ងៃសុក្រ កន្លងទៅនេះជាមួយមិត្តរួមក្រុមឡើយ។

ជាលទ្ធផល ខាង Arsenal ពិន័យដោយមិនដាក់ឈ្មោះកីឡាករនេះចូលរួមការប្រកួត តទល់នឹង Spurs ក្នុងលទ្ធផល ៣-០ កន្លងទៅនេះឡើយ។

យ៉ាងណាទាក់ទងនឹងការត្រលប់មកវិញយឺតមិនបានទៅហ្វឹកហាត់នឹងមិត្តរួមក្រុមនេះ ខ្សែប្រយុទ្ធ Arsenal នេះបកស្រាយថា ជាប់មើលម្ដាយនៅឯប្រទេសបារាំង ដែលមិនមានសុខភាពល្អប្រសើរ។

ចំពោះបេក្ខភាពប្រធានក្រុមថ្មី Arsneal ផ្លូវការមិនទាន់បញ្ចេញនៅឡើយទេ ក្រោយដកពី Aubameyang ៕

ប្រភព៖ Mirror | arsenal ប្រែសម្រួល៖ ហ៊ីម រស្មី