ចង់ទិញទំនិញ និងរកកន្លែងសប្បាយៗពេលទៅបាងកក? ស្គាល់ប៉ុន្មានកន្លែងនេះ ពិតជាមិនខុសបំណង

2021-12-21 08:50:27
ចំនួនមតិ 0 | ចំនួនចែករំលែក 0

ចន្លោះមិនឃើញ

តើលោកអ្នកកំពុងតែមានគ្រោងធ្វើដំណើរទៅទិញឥវ៉ាន់ និងចង់ស្វែងរកន្លែងកម្សាន្តនានា នៅទីក្រុងបាងកក ប្រទេសថៃ ក្នុងពេលខាងមុខមែនទេ? ពិតណាស់ បាងកក គឺជាទីក្រុងដ៏ស៊ីវៃឡៃ និងប្រមូលផ្តុំដោយតំបន់ពាណិជ្ជកម្ម កន្លែងកម្សាន្ត និងម្ហូបអាហារឆ្ងាញ់ៗដ៏សម្បូរបែប។

ប្រសិនបើលោកអ្នកមានគម្រោងធ្វើដំណើរទៅលេងទីក្រុងបាកក ក្នុងពេលឆាប់ៗខាងមុខនេះ ដើម្បីទិញទំនិញ ដើរកម្សាន្ត និងភ្លក្សម្ហូបឆ្ងាញ់ៗ លោកអ្នកគួរតែសាកល្បងទៅកន្លែងកម្សាន្តខាងក្រោមនេះ។

លោកអ្នកអាចធ្វើដំណើរកម្សាន្តទៅកាន់ Grand Palace និងវត្តប្រាក់កែវ (Wat Prakeaw) ដែលកន្លែងប្រជាជនថៃគោរពបូជា ខណៈដែលរាជវាំង និងវត្តជាប្រវត្តិសាស្ត្រនេះ ត្រូវបានសាងសង់ឡើងតាំងពីឆ្នាំ១៧៨២ និងជាព្រះបរមរាជវាំងរបស់ស្តេចថៃ។

បន្ទាប់មក លោកអ្នកអាចបន្តដំណើរទៅកាន់តំបន់ចិន ឬ Chinatown (Yaowarat) ខណៈដែលលោកអ្នកនឹងប្លែកភ្នែកពេលទៅដល់ទីនោះ ដោយសារតែការតុបតែងយ៉ាងចម្រុះដូចក្នុងទីក្រុងចិន អ៊ីចឹង។

នៅពេលល្ងាច លោកអ្នកសម្រាកលំហែរ និងមើលទេសភាពទីក្រុងបាងកកនាពេលរាត្រី តាមរយៈការទៅកម្សាន្តនៅ Sky Bar Bangkok ដែលស្ថិតនៅលើអគារ៦៤ជាន់។ នៅទីនោះ លោកអ្នកអាចភ្លក្សរសជាតិភេសជ្ជៈជាច្រើនប្រភេទ ក៏ដូចជាស្តាប់តន្ត្រី រួមជាមួយនឹង DJ ផងដែរ។

កាន់តែប្លែកអារម្មណ៍មួយកម្រិតទៀត លោកអ្នកអាចទៅដើរកម្សាន្តនៅផ្សារបណ្តែតទឹក Damnoen Saduak ដើម្បីទិញផ្លែឈើស្រស់ៗ ភ្លក្សអាហាឆ្ងាញ់ៗ និងមើលទិដ្ឋភាពលក់ដូរនៅទីនោះ ស្របពេលដែលលោកអ្នកក៏អាចដើរទិញទំនិញនានា នៅផ្សារ Chatuchak Weekend Market ផងដែរ។

ផ្សារ Chatuchak Weekend Market គឺជាកន្លែងពេញនិយមសម្រាប់ភ្ញៀវទេសចរ ដោយសារតែមានទំនិញដ៏សម្បូរបែប និងមានតម្លៃសមរម្យ។ ប្រសិនបើអ្នកចូលចិត្តដើរលេងនៅកន្លែងមានភ្លើងពណ៌ស្វាយ លោកអ្នកអាចទៅកម្សាន្តនៅ Soi Cowboy ដែលជាកន្លែងដ៏ពេញនិយមសម្រាប់ភ្ញៀវទេសចរបរទេស ខណៈដែលោកអ្នកក៏អាចទៅកម្សាន្តនៅបា Vertigo at Banyan Tree ផងដែរ។

ចំពោះលោកអ្នកដែលចូលចិត្តដើរផ្សារ និងទិញទំនិញ លោកប្រាកដជាពេញចិត្ត ប្រសិនបើបានទៅផ្សារទំនើប Terminal 21, Siam Paragon, Siam Center, MBK Center, King Power Complex និង Century Mall។ ផ្សារទាំងនេះ ត្រូវបានចាត់ទុកថាជាផ្សារទំនើបដ៏ល្អបំផុតប្រចាំបាងកក ព្រោះប្រមូលផ្តុំដោយទំនិញដែលមានគុណភាពដ៏សម្បូរបែបនេះ។

ស្របពេលជាមួយគ្នានេះ ចាប់ពីពេលនេះតទៅ ការធ្វើដំណើរពីប្រទេសកម្ពុជា ទៅកាន់ប្រទេសថៃ មិនតម្រូវឲ្យធ្វើចត្តាឡីស័ក នៅពេលទៅដល់នោះឡើយ ក្រោយពីរដ្ឋាភិបាលថៃ សម្រេចបើកទ្វារទទួលភ្ញៀវទេសចរបរទេសឡើងវិញ។ ប៉ុន្តែ ទោះបីជាយ៉ាងណា ដើម្បីទទួលបានការលើកលែងនេះ នៅមុនពេលចេញដំណើរ លោកអ្នកត្រូវបានតម្រូវឲ្យអនុវត្តតាមគោលការណែនាំមួយចំនួនរបស់ប្រទេសថៃ។ ដើម្បីដឹងកាន់តែច្បាស់ពីគោលការណែនាំរបស់ប្រទេសថៃ សូមចុចលីងនេះ https://business.sabay.com.kh/article/1309390#utm_campaign=onpage

កាន់តែពិសេសទៅទៀត លោកអ្នកអាចធ្វើដំណើរទៅកាន់ប្រទេសថៃ ជាមួយការហោះហើរដែលមានស្តង់ដារសុខភាព និងសុវត្ថិភាពខ្ពស់ ជាមួយនឹងក្រុមហ៊ុនហោះហើរ AirAsia។ ក្រុមហ៊ុននេះ បានចាប់ផ្តើមដំណើរការហោះហើរឡើងវិញ ដោយគោរពតាមស្តង់ដាសុខភាព និងសុវត្ថិភាពខ្ពស់ ដូចជា បុគ្គលិកត្រូវបានចាក់វ៉ាក់សាំងរួចរាល់ទាំងអស់ ប្រើបច្ចេកវិទ្យាដោយមិនចាំបាច់ទាក់ទងផ្ទាល់,ការរក្សាគម្លាត ការវាស់កម្ដៅ នៅក្នុងយន្តហោះបំពាក់ដោយតម្រង HEPA សម្លាប់មេរោគបាន ១០០% និងការបាញ់ថ្នាំសម្រាប់មេរោគគ្រប់ជើងហោះហើរទាំងអស់។

ជាងនេះទៅទៀត លោកអ្នកអាចចាប់ផ្តើមកក់ជើងហោះហើរពីឥឡូវនេះ ជាមួយនឹងតម្លៃត្រឹមតែ៥៥ដុល្លារប៉ុណ្ណោះ សម្រាប់អ្នកដំណើរមានសមាជិកច្រើននាក់ និង៥៧ដុល្លារអាមេរិក សម្រាប់អ្នកដំណើរដែលមានសមាជិកតិច ខណៈដែលក្រុមអាកាសចរណ៍ AirAsia នៅតែរក្សាតម្លៃទាបទាំងមុន និងក្រោយបញ្ហាកូវីដ ១៩។

នៅចាំអីទៀត? ទាន់មានការបញ្ចុះតម្លៃពិសេស ចាប់ផ្តើមកក់ឥឡូវនេះ ប៉ុន្តែ ត្រូវតែប្រកាន់ខ្ជាប់នូវគោលការណ៍គម្លាតវត្ថិភាព និងសុខភាពជានិច្ច៕