មកដល់ក្ដៅៗ! មកដឹងតម្លៃម៉ូតូ PCX160 ម៉ូដែលពិសេស មានលក់នៅខ្មែរហើយ
- 2022-01-19 06:42:22
- ចំនួនមតិ 0 | ចំនួនចែករំលែក 0
មកដល់ក្ដៅៗ! មកដឹងតម្លៃម៉ូតូ PCX160 ម៉ូដែលពិសេស មានលក់នៅខ្មែរហើយ
ចន្លោះមិនឃើញ
Honda PCX160 Sportive Ride Edition ដែលជាម៉ូដែលពិសេសថ្មីទំនើបបំផុត បំពាក់ប្រព័ន្ធសុវត្ថិភាពខ្ពស់ ការឌីហ្សាញបែបស្ព័រលើតួម៉ូតូទាំងមូល គឺផ្តល់នូវអារម្មណ៍រំភើបជាមួយនឹងក្រូមេពណ៌ក្រហម ហើយពណ៌ក្រហមនេះត្រូវបានដាក់ជាពណ៌ហាយឡាយនៅផ្នែកខាងក្រោម និងដែកសម្រាប់កាន់ខាងក្រោយ។
ម៉ូតូ PCX160 ស៊េរីថ្មីទំនើប ប្រើសោ smart key មានរន្ធសាកថ្ម USB C បំពាក់ចង្កៀង LED រាងអក្សរ U និងកុងទ័រឌីជីថល។ ម៉ូតូប្រភេទ Scooter ពណ៌ខ្មៅក្រហមនេះ បានលេចចេញវត្តមានលក់នៅខ្មែរហើយ តាមប្រភពពីលោក សីហា អ្នកលក់ម៉ូតូនៅម្ដុំគិរីរម្យបានប្រាប់ថាវាមានតម្លៃខ្ទង់ ៥ ៣៥០ដុល្លារ។
honda PCX160 ប្រភេទSportive Ride Edition ប្រើម៉ាស៊ីន eSP+ ចំណុះ ១៥៧សេសេ ដែលជាប្រភេទម៉ាស៊ីនថ្មី។ វាបំពាក់បច្ចេកវិទ្យាសុវត្ថិភាពខ្ពស់ជាមួយប្រព័ន្ធគ្រប់គ្រង HSTC ក្នុងការជួយរក្សាលំនឹងកង់ ពេលបើកបរ។ វាកាន់តែផ្តល់នូវទំនុកចិត្តដល់អ្នកបើកបរជាមួយហ្វ្រាំងឌីសមុខក្រោយ ដោយបំពាក់ ABS ចៀសវាងមិនឱ្យកង់ម៉ូតូអូស ពេលចាប់ហ្វ្រាំងបន្ទាន់៕
រូបភាព៖ SeyHa Motor