ក្រោយលេង១០ប្រកួតឈ្នះទាំងអស់ ក្រុមបាល់ទាត់នារីភ្នំពេញក្រោនរឹតតែប្រឹងដើម្បីគ្រងជើងឯក

2022-03-01 07:54:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់នារីភ្នំពេញក្រោន បានយកឈ្នះទាំង១០លើកក្នុងការប្រកួតទាំង១០របស់ពួក ដើម្បីកាន់កាប់កំពូលតារាងលីគកំពូលកម្ពុជានារី។ បើទោះធ្វើបានល្អយ៉ាងនេះហើយក្ដីក៏ក្រុមមួយនេះបានកំណត់ថា នឹងបន្តប្រឹងប្រែងបន្ថែមទៀតក្នុងដំណើរឆ្ពោះទៅរកជើងឯក។

ទាក់ទងការលេងបានល្ងយ៉ាងនេះគ្រូបង្វឹករបស់ក្រុមបាល់ទាត់ខាងលើអ្នកគ្រូ ម៉ៅ សាវីន បាននិយាយថា ក្រុមរបស់ខ្លួននឹងបន្តប្រឹងប្រែងបន្ថែមទៀតក្នុងគោលដៅយកពានរង្វាន់លីគនេះឲ្យបាន។ យ៉ាងណាអ្នកគ្រូក៏សូមធ្វើការអរគុណទៅកាន់អ្នកគាំទ្រក្រុមរបស់ខ្លួន ដែលតែងចំណាយពេលវេលាមានតម្លៃក្នុងការលើកទឹកចិត្តក្រុមកីឡាការិនីភ្នំពេញក្រោន។

ជាមួយគ្នានោះដែរកីឡាការិនីក្នុងក្រុមភ្នំពេញក្រោន ម៉េងជា មួយលាង ដែលលេងតំណែងជាខ្សែការពារក៏បានលើកឡើងដែរថា ការប្រកួតរបស់ក្រុមនារីភ្នំពេញក្រោនដែលនៅសល់គេ នឹងប្រឹងប្រែងឲ្យបានខ្លាំងបំផុតដើម្បីលើកពាន ហើយគេនឹងប្រឹងប្រែងដើម្បីអ្នកម្ដាយរបស់គេ។

រំលឹកថា ការប្រកួតដែលនៅសល់របស់ក្រុមបាល់ទាត់នារីភ្នំពេញក្រោនគឺប៉ះ ណាហ្គា, សៀមរាប, កណ្ដាល និងបាត់ដំបង ខណៈពិន្ទុបច្ចុប្បន្នក្រុមបាល់ទាត់នារីភ្នំពេញក្រោនមាន៣០ពិន្ទុហើយក្នុងចំណោម១០ប្រកួត៕

អត្ថបទ៖ ស្រី សុវណ្ណដារ៉ា