Ten Hag ព្រមាន City និង Liverpool ថា លោកនឹងជួយ United ឲ្យឡើងដល់កំពូលវិញ

2022-05-24 02:43:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Erik ten Hag បាននិយាយរំឭកទៅកាន់លោក Pep Guardiola និង Jurgen Klopp ថា លោកមកអង់គ្លេសដើម្បីជួយរុញ Manchester United ត្រលប់មកកាន់កំពូលវិញ។

អ្នកចាត់ការរបស់ Manchester City និង Liverpool បានចែកពានលីគគ្នានៅ៥រដូវកាលចុងក្រោយ និងតែងតែឈរលើក្លឹបផ្សេងក្នុង Premier League។ United គម្លាតដល់ទៅ៣៥ពិន្ទុឈរពីក្រោមម្ចាស់ជើងឯក City ក្នុងរដូវកាលនេះ។ ប៉ុន្តែអ្នកចាត់ការថ្មីរបស់បិសាចក្រហមលោក Ten Hag បានលើកឡើងថា លោកត្រៀមរួចរាល់ដើម្បីបញ្ចប់រជ្ជកាលត្រួតត្រាពានក្នុងស្រុករបស់ Pep និង Klopp។

ក្រោយចូលកាន់តំណែងថ្មីលោក Ten Hag បាននិយាយថា ក្នុងពេលនេះលោកពិតជាសរសើរចំពោះទាំងពីរក្លឹប Man City និង Liverpool។ ក្រុមទាំងពីរលេងពិតជាអស្ចារ្យក្នុងបាល់ទាត់។ ប៉ុន្តែគ្រប់គ្នានឹងឃើញរជ្ជកាលនេះដល់ទីបញ្ចប់។ លោកកំពុងទន្ទឹងរងចាំប្រជែងជាមួយពួកគេ និងធ្វើការជាមួយបិសាចក្រហមជាមួយប្រវត្តិសាស្ត្រដ៏ធំ។

បុរសសញ្ជាតិហុល្លង់ក៏បានបញ្ជាក់ទៀតថា លោកនឹងធ្វើការដើម្បីឲ្យ United ត្រលប់មករកភាពជោគជ័យរបស់ខ្លួនវិញ។ Erik ten Hag ត្រូវបាន Man Utd តែងតាំងធ្វើជាអ្នកចាត់ការថ្មីកាលពីថ្ងៃទី ២១ ខែ មេសា ឆ្នាំ ២០២២ ជំនួសកន្លែងលោក Ralf Rangnick៕

ប្រភព៖ The Sun ប្រែសម្រួល៖ ហេង សុធារិទ្ធិ