វណ្ណថង និងបារាំង ឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់១ម៉ឺនដុល្លារ

2022-06-13 02:50:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងមកពីបាត់ដំបង ឈុត សេរីវណ្ណថង និងកីឡាករបារាំង អ៊ីនហ្សូ រ៉េមី បានឡើងទៅវគ្គពាក់កណ្ដាលផ្ដាច់ព្រ័ត្រខ្សែក្រវាត់១ម៉ឺនដុល្លារហើយក្រោយបញ្ចប់ការប្រកួតម្សិលមិញនេះនៅសង្វៀន Town។

វណ្ណថង និង ស៊ឺសាត់

កីឡាករបារាំង អ៊ីនហ្សូ រ៉េមី គឺបានឡើងដោយស្វ័យប្រវត្តិបន្ទាប់ពី ធន់ អេងឡៃ មានរបួសមិនអាចចូលរួមប្រកួតបាន ដូច្នេះត្រូវធ្លាក់ចេញពីកម្មវិធីខ្សែក្រវាត់របស់ Town នេះហើយ។ យ៉ាងណាមុនបានឡើងទៅវគ្គបន្ត បារាំងរូបនេះត្រូវប្រកួតមិត្តភាពជាមួយ ម៉ន សាម៉េត ផងដែរ។

ដោយឡែកគូខ្សែក្រវាត់១គូទៀតនោះគឺ ឈុត សេរីវណ្ណថង ប៉ះ ស៊ឺសាត់ ពួកគេចំណាយពេលពេញ៣ទឹកទម្រាំអាចរកឃើញអ្នកឡើងទៅវគ្គបន្ត។ គូនេះឈ្នះចាញ់មិនលើសមិនខ្វះគ្នាប៉ុន្មានឡើយ ពោលមានសងទៅសងមក បញ្ចប់ការប្រកួតចៅក្រមសម្រេចឲ្យកីឡាករកម្ពុជាឡើងទៅពាក់កណ្ដាលផ្ដាច់ព្រ័ត្រ។

បេក្ខភាពខ្សែក្រវាត់

រំលឹកដែរថា ម្សិលមិញនេះ២គូខ្សែក្រវាត់របស់ទូរទស្សន៍ Town គឺ វណ្ណថង ឈ្នះពិន្ទុ ស៊ឺសាត់ កីឡាករ អ៊ីនសហ្សូ រ៉េមី ឈ្នះស្វ័យប្រវត្តិ។ សប្ដាហ៍នេះដល់តួនាទីកីឡាករ អេលីត ចំរើន និង សូត្រ វាសនា ត្រូវប្រជែងកៅអីជាមួយបរទេសនៃកម្មវិធីខ្សែក្រវាត់ទម្ងន់ ៦០គីឡូក្រាមអមដោយទឹកប្រាក់១ម៉ឺនដុល្លារ៕

វីដេអូប្រកួត៖