ធ្វើការតាំងពីបុគ្គលិកធម្មតា នារីខ្មែរមួយរូប ហ៊ានផ្លាស់ប្ដូរខ្លួនឯង ចុងក្រោយក្លាយជាម្ចាស់ក្រុមហ៊ុន និងដឹកនាំខ្លួនឯង!

2023-01-19 03:09:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ផ្ដើមពីយុវតីខ្មែរធម្មតាម្នាក់ ស្ត្រីខ្មែរម្នាក់ឈ្មោះ ប៉េងទី សៅបូរីណា បានវិវត្តខ្លួនស្ទើរមិនគួរឲ្យជឿ ដោយបានចាប់ផ្ដើមជីវភាពជាបុគ្គលិកធម្មតាម្នាក់ក្នុងក្រុមហ៊ុនឯកជនមួយ ប៉ុន្តែធ្វើបានប៉ុន្មានឆ្នាំ បានទិញផ្ដាច់យកក្រុមហ៊ុននោះ ឡើងធ្វើនាយិកាខ្លួនឯង។

ប៉េងទី សៅបូរីណា មកខេត្តត្បូងឃ្មុំ បច្ចុប្បន្នគឺជានាយិកាក្រុមហ៊ុន “Job Phnomlist & Business Training Centre” ដែលជាក្រុមហ៊ុនបម្រើសេវាកម្មផ្គូរផ្គងអ្នករកការងារធ្វើ និងក្រុមហ៊ុនដែលត្រូវការកម្លាំងពលកម្ម ឬក៏សេវាកម្មជួយយុវជនស្វែងរកការងារធ្វើ។

បន្ទាប់ពីបញ្ចប់ការសិក្សានៅមហាវិទ្យាល័យ "Business administration and management” សៅបូរីណា បានចូលធ្វើការក្នុងក្រុមហ៊ុនខាងលើក្នុងឆ្នាំ ២០១៧ នាមជា បុគ្គលិកផ្នែកលក់។ ក្នុងតួនាទីនេះ ជាមួយវ័យដែលទើបជាង ២០ឆ្នាំកាលនោះ យុវតីរូបនេះ បានប្រើជីវិតដូចនឹងយុវវ័យទូទៅ ដែលមិនសូវបានគិតវែងឆ្ងាយអំពីអនាគត ឬគោលដៅនៃជីវិត។ ដោយសារបែបនេះ បូរីណា ស្ទើរតែបោះបង់ការងារ ពេលជួបឧបសគ្គពេកនៅក្នុងតួនាទីជាអ្នកប្រតិបត្តិទីផ្សារ។

ប៉ុន្តែអ្វីៗបានផ្លាស់ប្ដូរ ក្រោយពីអ្នកនាង បានផ្លាស់ប្ដូរការគិត និងរៀបចំខ្លួនឡើងវិញ។ អ្នកដែលមានឥទ្ធិពលបំផុតចំពោះការផ្លាស់ប្ដូរនេះ គឺប្រធានរបស់អ្នកនាងដែលជាជនជាតិម៉ាឡេស៊ី។ "និយាយទៅខ្ញុំ សំណាងរើសមេត្រូវ ប្រសិនបើមិនមានគាត់ ខ្ញុំក៏មិនបានប៉ុណ្ណេះដែរ"។

ប្រធានក្រុមហ៊ុនវ័យក្មេងរូបនេះ ប្រាប់ថា វេលាមួយ ដោយសារមើលឃើញអ្នកនាងមានអំណោយផលមួយចំនួននៃបុគ្គលិកលក្ខខណៈ ថ្នាក់លើបានហៅប្រាប់ ឲ្យរៀបចំខ្លួន កុំខ្ជះខ្ជាយពេលវេលាតទៅទៀត។ "តើបូរីណា ចង់ខ្ជះខ្ជាយពេលវេលាដល់ពេលណាទៀត!”។

ពាក្យដាស់តឿនប៉ុន្មានម៉ាត់របស់មេកើយ បានធ្វើឲ្យអ្នកនាងភ្ញាក់ខ្លួន ហើយបានផ្លាស់ប្ដូរការគិត និងរៀបចំខ្លួន កំណត់គោលដៅជីវិត។

ត្រឹម១ឆ្នាំ ពោលគឺនៅឆ្នាំ ២០១៨ ក្រោយបង្ហាញឲ្យឃើញពីភាពរីកចម្រើនអំពីផ្នត់គំនិត និងសកម្មភាព សៅបូរីណា ត្រូវបានប្រធានដែលជនជាតិបរទេសរបស់អ្នកនាង បានចែកនូវភាគហ៊ុនមួយចំណែក។ មិនយូរប៉ុន្មាន ថ្នាក់លើដដែលបានណែនាំឲ្យ បូរីណា ទិញផ្ដាច់ក្រុមហ៊ុន “Job Phnomlist & Business Training Centre” តែម្ដង ក្រោយពីមើលឃើញពីភាពរីកចម្រើន ការដឹកនាំខ្លួនឯង។

អ្នកនាង ប៉េងទី សៅបូរីណា បានដឹកនាំក្រុមហ៊ុន តាំងពីចុងឆ្នាំ ២០១៨ មកដល់បច្ចុប្បន្ន។ ត្បិតថា នៅក្មេងខ្ចី ប៉ុន្តែនារីមានល្អិតរូបនេះ បានដឹកនាំក្រុមហ៊ុនឲ្យមានស្ថិរភាព ដោយមិនមានកាត់ប្រាក់ឈ្នួលបុគ្គលិក បើទោះក្នុងវិបត្តិកូវីដក៏ដោយ។ ចំណុចនេះ ក៏ដោយសារ អ្នកនាងបានគិតគូរ និងរៀបចំជាមុននូវកញ្ចប់ថវិកាដើម្បីទ្រទ្រង់ក្រុមហ៊ុន ពេលមានវិបត្តិសាកលណាមួយកើតឡើង។

ឆ្លងកាត់ពិសោធន៍ជាបុគ្គលិកគេផង និងជាអ្នកដឹកនាំក្រុមហ៊ុនផង សៅបូរីណា បានចែករំលែកថា ធ្វើជាអ្នកដឹកនាំ ពិបាកជាងធ្វើជាបុគ្គលិកគេឆ្ងាយណាស់។ ក្នុងស្ថានភាពទាំងពីរ នារីវ័យក្មេងបានបន្ថែមទៀតថា ធ្វើជាបុគ្គលិកត្រូវបណ្ដុះគំនិតវិជ្ជមាន ធ្វើការអស់ពីចិត្ត តស៊ូ និងចេះដាក់គោលដៅខ្លួន ដោយឡែកជាអ្នកដឹកនាំ អ្នកនាងខ្លួនឯង ប្រកាន់ចិត្តដឹកនាំដោយធម៌ត្រជាក់ និងចេះដាក់ខ្លួន។

បច្ចុប្បន្ន “Job Phnomlist & Business Training Centre” របស់អ្នកនាង ប៉េងទី សៅបូរីណាមានផ្ដល់សេវាកម្មដូចជា៖