Bill Gates៖ បើអ្នកមិនធ្វើឲ្យក្តីសុបិនខ្លួនឯងក្លាយជាការពិតទេ មនុស្សដទៃនឹងជួលអ្នក ធ្វើឲ្យក្តីសុបិនពួកគេក្លាយជាការពិត

2023-03-17 06:23:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងនាមជាអាជីវករមួយរូប អ្នកមិនអាចខ្វះជំនឿចិត្តលើខ្លួនឯងបានទេ ព្រោះវាធ្វើឲ្យមនុស្សភាគច្រើនភ័យខ្លាចការបរាជ័យដែលធ្វើឲ្យពួកគេខ្វះសកម្មភាពដែលចាំបាច់សម្រាប់ចាប់ផ្តើមឬពង្រីកអាជីវកម្មរបស់ខ្លួន ។ បញ្ហានេះមិនត្រឹមតែប៉ះពាល់ដល់អាជីវករផ្ទាល់ទេ តែក៏អាចបង្កជាបញ្ហាដល់ឱកាសក្នុងការជោគជ័យរបស់អ្នកដែរ ។

ដោយហេតុដូចនេះ វាពិតជាចាំបាច់សម្រាប់អាជីវករក្នុងការរៀនជឿជាក់លើខ្លួនឯង ដើម្បីបង្កើតភាពជោគជ័យសម្រាប់ថ្ងៃមុខ ។ ខាងក្រោមនេះគឺជាការសម្រង់សម្ដីមាសរបស់លោក Bill Gates ដែលយើងគួរពិចារណា៖

កុំប្រៀបធៀបខ្លួនឯងជាមួយនរណាម្នាក់លើលោកនេះ

ការប្រៀបធៀបខ្លួនជាមួយមនុស្សដទៃជាប្រចាំជាមុខសញ្ញាបង្ហាញថាអ្នកមិនមានជំនឿចិត្តលើខ្លួនឯងទេ ។ អ្នកត្រូវដឹងថាមនុស្សម្នាក់ៗមានគំនិត ទេពកោសល្យ និងសមត្ថភាពពិសេសៗខុសៗគ្នា ។ ប្រសិនបើគ្រប់អាជីវករមានបុគ្គលិកលក្ខណៈ និងការគិតដូចគ្នាទាំងអស់នោះ អ្នកប្រហែលជាមិនឮរឿងជោគជ័យច្រើនទេ ។

មេរៀនជាច្រើន កើតពីពាក្យរិះគន់របស់អតិថិជន

ប្រសិនបើអ្នកមានអតិថិជនច្រើន ហើយអ្នកទទួលបានពាក្យរិះគន់ដូចៗគ្នា នោះមានន័យថាចំណុចនោះហើយដែលអ្នកត្រូវយកមកកែតម្រូវ។

ប្រសិនបើអ្នកមិនធ្វើឲ្យក្តីសុបិនអ្នកក្លាយជាការពិតទេ មនុស្សដទៃនឹងជួលអ្នកឲ្យធ្វើឲ្យក្តីសុបិនពួកគេក្លាយជាការពិត

សហគ្រិនមិនមែនជាបុគ្គលិកល្អទេ ហើយក្នុងនាមជាសហគ្រិន អ្នកគួរតែអនុញ្ញាតឲ្យក្តីសុបិនអ្នកក្លាយជាកត្តាជំរុញទឹកចិត្តរបស់អ្នក មិនមែនជាកត្តាដែលធ្វើឲ្យអ្នកខ្លាចនិងបាក់ទឹកចិត្តទេ ។ អ្វីដែលអ្នកគួរចងចាំ គឺទស្សនៈវិស័យរបស់អ្នកនឹងល្អប្រសើរឡើងរៀងរាល់ពេលដែលអ្នកបានបរាជ័យ

ជីវិតមិនយុត្តិធម៌រហូតទេ

ពេលបច្ចុប្បន្នអ្នកអាចជាមនុស្សដែល កំពុងយល់ថាខ្លួនឯងទទួលបានភាពយុត្តិធម៌បំផុត តែអ្នកត្រូវរៀនស៊ាំជាមួយការប្រែប្រួលឱ្យហើយទៅព្រោះជីវិតមិនយុត្តិធម៌តែរហូតនោះទេ។

ជោគជ័យគឺជាគ្រូដ៏គម្រក់មួយ

ក៏ព្រោះតែភាពជោគជ័យ បានធ្វើឱ្យមនុស្សពូកែៗមួយចំនួនបានឈ្លក់វង្វេងនឹងវា ហើយគិតថាពួកគេគ្មានថ្ងៃបរាជ័យនោះទេ។

សើចមនុស្សល្ងង់ថ្ងៃនេះ ថ្ងៃក្រោយអ្នកអាចជាបុគ្គលិកពួកគេ

វាសនាជារឿងដែលមើលមិនឃើញ ដំណើរទៅរកភាពជោគជ័យរបស់មនុស្សក៏មិនដូចគ្នាដែរ ដូច្នេះហើយបច្ចុប្បន្នអ្នកអាចមើលឃើញថាគេជាមនុស្សឆោតល្ងង់ ប៉ុន្តែទៅថ្ងៃខាងមុខអ្នកអាចធ្វើការឱ្យពួកគេផងក៏មិនដឹង។

អបអរភាពជោគជ័យ តែកុំភ្លេចពីបរាជ័យ

ការអបអរភាពជោគជ័យគឺជារឿងល្អមួយ ក៏ប៉ុន្តែសូមកុំភ្លេចគិតពីមេរៀនបរាជ័យផង កុំឱ្យការបរាជ័យបកមកផ្ដួលអ្នកម្ដងទៀត។

ខ្វះដើមទុនរកស៊ី មិនសំខាន់ដូចខ្វះជំនឿចិត្ត

ជាក់ស្ដែងបើយើងមានការខ្វះខាតដើមទុនរកស៊ីអ្នកអាចខ្ចីគេបានដើម្បីបើករបរ ក៏ប៉ុន្តែប្រសិនបើអ្នកខ្វះជំនឿចិត្តអ្នកមិនអាចខ្ចីអ្នកណាម្នាក់បានឡើយ។

ជ័យជំនះធំធេង បានមកពីការហ៊ានប្រថុយ៖ គ្មានភាពជោគជ័យណាដែលរត់មក រកមនុស្សដែលមិនបានធ្វើអ្វីសោះ ហើយមិនហ៊ានប្រថុយនោះទេ ដូច្នេះហើយអ្នកត្រូវតែហ៊ានសាកល្បងប្រថុយជាមួយរឿងទាំងនោះ៕