ប្អូនៗដែលត្រូវប្រឡងបាក់ឌុប សូមប្រុងប្រយ័ត្ន ព្រោះបើមានករណីទាំង៣នេះ នឹងត្រូវគេលុបឈ្មោះចេញពីបញ្ជីប្រឡងជាក់ជាមិនខាន

2023-04-20 02:04:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំ យុវជន និងកីឡា បានបញ្ជាក់ថា ការលុបបេក្ខភាពចេញពីបញ្ជីឈ្មោះនៃការប្រឡងសញ្ញាបត្រមធ្យមសិក្សាទុតិយភូមិ ត្រូវផ្អែកលើករណីចំនួន៣ដូចខាងក្រោម៖

-ករណីទី១៖ សិស្សមានមធ្យមភាគពិន្ទុប្រចាំឆ្នាំក្រោម ២៥.០០

-ករណីទី២៖ សិស្សគ្មានមធ្យមភាគពិន្ទុប្រឡងឆមាស៖

ឈប់ឥតច្បាប់ក្នុងពេលប្រឡងឆមាសមុខវិជ្ជាណាមួយ
ឈប់មានច្បាប់ក្នុងពេលប្រឡងឆមាសចាប់ពី ៣មុខវិជ្ជាឡើងទៅ

-ករណីទី៣៖ សិស្សអវត្តមានលើសពីចំនួនកំណត់៖

អវត្តមានឥតច្បាប់លើសពី ៣០ដងឡើងទៅ
អវត្តមានឥតច្បាប់ និងមានច្បាប់លើសពី ៤០ដងឡើងទៅ
អវត្តមានមានច្បាប់លើសពី ៥៥ដងឡើងទៅ។

សូមបញ្ជាក់ថា អវត្តមានសិស្សថ្នាក់ទី១២ គឺគិតត្រឹមថ្ងៃទី០២ ខែកញ្ញា ឆ្នាំ២០២៣៕

អត្ថបទ៖ ដកស្រង់ចេញពីសេចក្តីណែនាំស្តីពីការអនុវត្តប្រកាសលេខ ១៥៥ អយក.ប្រក ចុះថ្ងៃទី២៩ ខែមករា ឆ្នាំ២០១៩ ស្តីពីការរៀបចំ និងការប្រព្រឹត្តទៅនៃការប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា ២០២២-២០២៣ ដែលចុះហត្ថលេខាដោយឯកឧត្តម ហង់ជូន ណារ៉ុន រដ្ឋមន្រ្តីក្រសួងអប់រំ កាលពីថ្ងៃទី១១ ខែមេសា ឆ្នាំ២០២៣

អត្ថបទ៖ សំភី