ត្រូវចេះគ្រប់មុខវិជ្ជាមែន! តែប្អូនៗបាក់ឌុប ក៏ត្រូវដឹងដែរថាមុខវិជ្ជាណាមានពិន្ទុច្រើនៗ

2023-04-21 06:51:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំ យុវជន និងកីឡា បានបង្ហាញពីវិញ្ញាសា ថេរវេលា និងរបបពិន្ទុ នៃការប្រឡងសញ្ញាបត្រមធ្យមសិក្សាទុតិយភូមិ ដូចខាងក្រោម៖

វិញ្ញាសាសម្រាប់ថ្នាក់វិទ្យាសាស្រ្ត

១-មុខវិជ្ជាជម្រើស រយៈពេល ៦០នាទី ពិន្ទុពី ០ ដល់ ៥០

២-ជីវវិទ្យា រយៈពេល ៩០នាទី ពិន្ទុពី ០ ដល់ ៧៥

៣. គីមីវិទ្យា រយៈពេល ៩០នាទី ពិន្ទុពី ០ ដល់ ៧៥

៤. ភាសាបរទេស រយៈពេល ៦០នាទី ពិន្ទុពី ០ ដល់ ៥០

៥. អក្សរសាស្រ្តខ្មែរ រយៈពេល ៩០នាទី ពិន្ទុពី ០ ដល់ ៧៥

៦. រូបវិទ្យា រយៈពេល ៩០នាទី ពិន្ទុពី ០ ដល់ ៧៥

៧. គណិតវិទ្យា រយៈពេល ១៥០នាទី ពិន្ទុពី ០ ដល់ ១២៥

ចំពោះមុខវិជ្ជាជម្រើស ត្រូវជ្រើសរើសមួយមុខវិជ្ជាក្នុងចំណោមភូមិវិទ្យា ប្រវត្តិវិទ្យា សីលធម៌-ពលរដ្ឋវិជ្ជា និងផែនដីនិងបរិស្ថានវិទ្យា។ ដោយឡែកមុខវិជ្ជាភាសាបរទេសដែលជាវិញ្ញាសាតាមស្ម័គ្រ ត្រូវយកផលសង នៃពិន្ទុដែលសិស្សធ្វើបានដកនឹង២៥។

វិញ្ញាសាសម្រាប់ថ្នាក់វិទ្យាសាស្រ្តសង្គម

១-មុខវិជ្ជាជម្រើស រយៈពេល ៦០នាទី ពិន្ទុពី ០ ដល់ ៥០

២-ប្រវត្តិវិទ្យា រយៈពេល ៩០នាទី ពិន្ទុពី ០ ដល់ ៧៥

៣-ភូមិវិទ្យា រយៈពេល ៩០នាទី ពិន្ទុពី ០ ដល់ ៧៥

៤-ភាសាបរទេស រយៈពេល ៦០នាទី ពិន្ទុពី ០ ដល់ ៥០

៥-គណិតវិទ្យា រយៈពេល ៩០នាទី ពិន្ទុពី ០ ដល់ ៧៥

៦-សីលធម៌-ពលរដ្ឋវិជ្ជា រយៈពេល ៩០នាទី ពិន្ទុពី ០ ដល់ ៧៥

៧. អក្សរសាស្រ្តខ្មែរ រយៈពេល ១៥០នាទី ពិន្ទុពី ០ ដល់ ១២៥។

ចំពោះមុខវិជ្ជាជម្រើស ត្រូវជ្រើសរើសមុខវិជ្ជាក្នុងចំណោមរូបវិទ្យា គីមីវិទ្យា ជីវវិទ្យា និងផែនដី និងបរិស្ថានវិទ្យា។ ដោយឡែកមុខវិជ្ជាភាសាបរទេសដែលជាវិញ្ញាសាតាមស្ម័គ្រ ត្រូវយកផលសងនៃពិន្ទុ ដែលសិស្សធ្វើបាន ដកនឹង ២៥។

ចំពោះមុខវិជ្ជាជម្រើសទាំងថ្នាក់វិទ្យាសាស្រ្ត និងថ្នាក់វិទ្យាសាស្រ្តសង្គម ក្រសួងនឹងជូនដំណឹងអំពីមុខវិជ្ជាដែលក្រសួងបានជ្រើសរើសធ្វើជាវិញ្ញាសាប្រឡងយ៉ាងយូរ ៦០ថ្ងៃ មុនសម័យប្រឡង។

សូមជម្រាបថា សម័យប្រឡងសញ្ញាបត្រមធ្យមសិក្សាទុតិយភូមិ គឺត្រូវបានកំណត់យកថ្ងៃទី០៦ ខែវិច្ឆិកា ឆ្នាំ២០២៣៕

អត្ថបទ៖ ដកស្រង់ចេញពីសេចក្តីណែនាំស្តីពីការអនុវត្តប្រកាសលេខ ១៥៥ អយក.ប្រក ចុះថ្ងៃទី២៩ ខែមករា ឆ្នាំ២០១៩ ស្តីពីការរៀបចំ និងការប្រព្រឹត្តទៅនៃការប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា ២០២២-២០២៣ ដែលចុះហត្ថលេខាដោយឯកឧត្តម ហង់ជូន ណារ៉ុន រដ្ឋមន្រ្តីក្រសួងអប់រំ កាលពីថ្ងៃទី១១ ខែមេសា ឆ្នាំ២០២៣

អត្ថបទ៖ សំភី