មានការកំណត់តម្លៃសំបុត្រ ៣ប្រភេទ សម្រាប់ចូលទស្សនា "ព្រះបរមរាជវាំង" រៀងរាល់ថ្ងៃ

2023-05-31 02:31:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងទេសចរណ៍ បានធ្វើការជូនដំណឹងនៅថ្ងៃម្សិលមិញទៅសាធារណជនជាតិ និងអន្តរជាតិថា ពីពេលនេះតទៅ "ព្រះបរមរាជវាំង" របស់កម្ពុជា នឹងបើកឲ្យចូលទស្សនារៀងរាល់ថ្ងៃ។

នេះគឺជាផ្លាស់ប្ដូរថ្មីមួយធៀបនឹងពេលកន្លងមក ដែលការចូលទស្សនានៅមានកំហិត។ ដូច្នេះហើយ ក្រសួងទេសចរណ៍ លើកឡើងថា នេះគឺដំណឹងដ៏ល្អមួយ សម្រាប់បងប្អូនប្រជាពលរដ្ឋទូទៅ។ "តោះៗ ដំណឹងល្អសម្រាប់បងប្អូនដែលមានបំណងចង់ទៅទស្សនា "ព្រះបរមរាជវាំង" អាចចូលបានជារៀងរាល់ថ្ងែ"។

រូបភាព៖ Sokunthea Photography

ការបើកចំហរនេះ គឺសម្រាប់ទាំងភ្ញៀវជាតិ និងអន្តរជាតិ។ យ៉ាងណាក៏ដោយ រាល់ការចូលទស្សនាតម្រូវឲ្យទិញសំបុត្រ ដោយក្នុងនោះតម្លៃសំបុត្រ ត្រូវបានបែកចែកជាប្រភេទដូចខាងក្រោម៖

•តម្លៃសំបុត្រ សម្រាប់ភ្ញៀវជាតិ (1ពាន់រៀល/នាក់)

•តម្លៃសំបុត្រ សម្រាប់ភ្ញៀវបរទេស ( 10 ដុល្លារ/នាក់)

•ការចូលក្នុងព្រះបរមរាជវាំង (តម្រូវអោយពាក់ម៉ាស់)

ដោយឡែកម៉ោងចូលទស្សនា មាន២វេន គឺ៖

•ពេលព្រឹកម៉ោង (8am-11am)

**•ពេលថ្ងៃម៉ោង (2pm-5pm) **

អត្ថបទ៖ ទារិកា