YHS Cambodia គឺជាក្រុមហ៊ុនភេសជ្ជៈឈានមុខគេនៅក្នុងតំបន់អាស៊ី ហើយថ្មីៗនេះដែរ ក្រុមហ៊ុនក៏ទទួលបានការទទួលស្គាល់ជាអន្តរជាតិជាស្ថាប័នដែលទទួលបានការពេញចិត្តបំផុតពីនិយោជិករបស់ខ្លួន។

YHS Cambodia បានបង្កើតឡើងក្នុងឆ្នាំ ១៩៩៥ និងជាផ្នែកមួយនៃ Yeo Hiap Seng Limited ដូចគ្នានេះដែរ ក្រុមហ៊ុនភេសជ្ជៈនេះមានប្រវត្តិមូលដ្ឋាននៅប្រទេសសិង្ហបុរីជាង ១២០ ឆ្នាំមកហើយ។ កាលដំបូងឡើយ ក្រុមហ៊ុនធ្វើការនាំចូលភេសជ្ជៈមកកាន់កម្ពុជា ប៉ុន្តែក្រោយមកក៏ចាប់ផ្តើមការផលិតក្នុងស្រុក ហើយក៏បន្តដោយធ្វើការនាំចេញផលិតផលរបស់ខ្លួនទៅកាន់ទីផ្សារក្នុងតំបន់មួយចំនួន និងអន្តរជាតិ(សហរដ្ឋអាមេរិច)ក្នុងឆ្នាំ ២០២១។ សព្វថ្ងៃនេះ ទឹកផ្លែឈើ Yeos គឺជាភេសជ្ជៈផ្ដាច់មុខគេនៅក្នុងប្រទេសកម្ពុជា។

លោក Ozgur Simsek នាយកគ្រប់គ្រងទីផ្សារ Emerging Markets របស់ក្រុមហ៊ុន YHS មានប្រសាសន៍ថា៖ "យើងមានមោទនភាពយ៉ាងក្រៃលែង ក្នុងការទទួលស្គាល់ជាស្ថាប័នធ្វើការដ៏ឆ្នើម " ។ "នេះគឺជាសក្ខីភាពបញ្ជាក់ពីការខិតខំប្រឹងប្រែង និងការលះបង់របស់និយោជិតយើង។ យើងជឿជាក់ថា កន្លែងធ្វើការដែរមានគុណភាពគឺជាកន្លែងមួយដែលបុគ្គលិកមានអារម្មណ៍ថាមានតម្លៃ ការគោរព និងការគាំទ្រ ហើយពួកយើងប្តេជ្ញាបង្កើតកន្លែងធ្វើការ ដែលបុគ្គលិកគ្រប់គ្នាមានការរីកចម្រើនទៅមុខ"។

ការជាប់ជាស្ថាប័នធ្វើការឆ្នើម (Great Place To Work) គឺបានមកពីការស្ទង់មតិរបស់និយោជិត ដែលសួរអំពីបទពិសោធន៍នៃការជឿទុកចិត្តរបស់ពួកគេ ភាពជាបងប្អូន និងបទពិសោធន៍ទូទៅនៃបរិយាកាសការងារ។ ការស្ទង់មតិក៏សួរអំពីតម្លៃរបស់ក្រុមហ៊ុន ភាពជាអ្នកដឹកនាំ និងឱកាសសម្រាប់ការអភិវឌ្ឍន៍វិជ្ជាជីវៈផងដែរ។

ដើម្បីទទួលបានវិញ្ញាបនប័ត្រនេះ ក្រុមហ៊ុនត្រូវតែទទួលបានពិន្ទុខ្ពស់លើកត្តាទាំងអស់នេះ។ ក៏ដូចគ្នានេះដែរ YHS Cambodia ទទួលបានពិន្ទុល្អ ជាពិសេសនៅក្នុងផ្នែកនៃទំនុកចិត្ត សាមគ្គីភាព និងភាពជាបងប្អូន ។

លោក Ozgur បានបន្ថែមថា៖ “យើងមានសេចក្ដីអំណរគុណយ៉ាងខ្លាំង ចំពោះបុគ្គលិករបស់យើង សម្រាប់មតិកែលម្អរបស់ពួកគេ ដែលបានជួយយើងក្នុងការបង្កើតកន្លែងធ្វើការ ដែលមនុស្សគ្រប់គ្នាមានអារម្មណ៍ថាមានតម្លៃ និងការគោរពស្រឡាញ់"។

ការជាប់ជាស្ថាប័នធ្វើការឆ្នើម គឺជាទ្រព្យសម្បត្តិដ៏មានតម្លៃសម្រាប់ក្រុមហ៊ុននីមួយៗ។ ដោយសារវានឹងជួយនាំយក និងរក្សាបាននូវទេពកោសល្យ បង្កើនភាពរីករាយដល់បុគ្គលិក និងបង្កើនសមិទ្ធផលជាច្រើនទៀត។ YHS Cambodia គឺជាគំរូដ៏ល្អមួយសម្រាប់ក្រុមហ៊ុនផ្សេងៗ ដែលប្តេជ្ញាបង្កើតកន្លែងធ្វើការដ៏ល្អបំផុតសម្រាប់បុគ្គលិករបស់ខ្លួន។

YHS Cambodia ប្តេជ្ញាបង្កើតកន្លែងធ្វើការដ៏ប្រសើរមួយសម្រាប់បុគ្គលិករបស់ខ្លួន ជាពិសេសក្រុមហ៊ុននឹងផ្តល់ជូនប្រាក់ខែដែលសមរម្យ និងអត្ថប្រយោជន៍ផ្សេងៗ ក៏ដូចជាឱកាសសម្រាប់ការអភិវឌ្ឍទៅមុខ៕