Onana មិនមានរបួសធ្ងន់ធ្ងរ

2023-11-23 12:10:28
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំទី Andre Onana មិនមានរបួសធ្ងន់ធ្ងរ។ នេះបើតាមលទ្ធផលក្រោយក្រុមគ្រូពេទ្យក្លឹប Manchester United ពិនិត្យរួច។

កាលពីដើមសប្ដាហ៍កន្លងទៅ Onana បានរងរបួសពេលកំពុងបំពេញបេសកកម្មលេងឲ្យក្រុមជម្រើសជាតិកាម៉េរ៉ូន។ ក្នុងប្រកួតរវាងកាម៉េរ៉ូន និង Mauritius អ្នកចាំទីរូបនេះ បានរងរបួស ក្នុងពេលជួយសង្គ្រោះបាល់។ នាពេលនោះ កីឡាករត្រូវបានដូរចេញក្នុងនាទី ៨១។

ក្រោយរងរបួស Onana បានត្រលប់មកក្លឹប Manchester United វិញ ដើម្បីពិនិត្យស្ថានភាពរបួស។ ក្រោយពិនិត្យរួច ជាលទ្ធផល របួសរបស់ Onana មិនធ្ងន់ធ្ងរទេ ហើយអាចបន្តជួយបិសាចក្រហមបាន ក្នុងការប្រកួតប៉ះ Everton នាថ្ងៃអាទិត្យនេះ។

បច្ចុប្បន្ន Onana កំពុងហ្វឹកហាត់ជាមួយកីឡាករបិសាចក្រហមផ្សេងទៀត ដើម្បីត្រៀមលេងប្រកួតប៉ះ Everton ។

Onana មកចូលរួមជាមួយ Manchester United កាលពីខែកក្កដាកន្លងទៅ ពីក្លឹបអ៊ីតាលី Inter Milan ក្នុងតម្លៃផ្ទេរប្រមាណជិត ៥០ លានផោន។ កីឡាករវ័យ ២៧ ឆ្នាំ បច្ចុប្បន្នគឺជាអ្នកចាំទីដៃទីមួយរបស់បិសាចក្រហម ហើយលេង ១៨ ប្រកួតហើយឲ្យក្លឹបគិតមកទល់ពេលនេះ៕

ប្រភព៖ BBC អត្ថបទ៖ សេរី មង្គល