កម្មវិធី The Rapper Cambodia រដូវកាលទី១ បាន​បិទបញ្ចប់​ហើយ​ដោយ​បាន​រកឃើញ​ម្ចាស់ជើងឯក​ប្រចាំ​រដូវកាលដំបូង​នេះ គឺ​បាន​ទៅលើ​ YUUHAI ដែល​ទទួលបាន​ការផ្ញើសារបោះឆ្នោត​គាំទ្រ​ច្រើន​ជាងគេ​បំផុត ក្នុងចំណោម​បេក្ខជន Rapper ចំនួន៧រូប ដែលមកដល់វគ្គផ្តាច់ព្រ័ត្រ​នេះ។

កម្មវិធី​ប្រកួត​រ៉េប​វគ្គផ្តាច់ព្រ័ត្រ និង​ការប្រគំន្រ្តីដ៏ធំបំផុតនេះ បាន​ធ្វើឡើងនៅ​យប់ថ្ងៃទី២៤ ខែធ្នូ ឆ្នាំ​២០២៣ នៅ​តំបន់អភិវឌ្ឍន៍កោះនរា ដែលមាន​ចូលរួម​ទស្សនាផ្ទាល់​ពី​បងប្អូន​ប្រជាពលរដ្ឋយ៉ាងច្រើនកុះករ​ ព្រមទាំង​ការចាក់ផ្សាយ​នៅលើទំព័រ Facebook របស់​ទូរទស្សន៍បាយ័ន និងហនុមាន។ អ្វីដែល​ធ្វើឱ្យឆាក​តន្រ្តីនេះ កាន់តែ​កក្រើក​ជក់ចិត្តដិតអារម្មណ៍​មិនអាចបំភ្លេចបាន គឺ​មានការចូលរួម​រ៉េបសម្តែង​ពី Producer និង Coach ទាំង​តារារ៉េប​បរទេស​ដ៏ល្បី​ដែលមកពីជប៉ុន និងវៀតណាម។

សម្រាប់​ YUUHAI ដែល​ក្លាយជា​ម្ចាស់ជ័យលាភី​នៃកម្មវិធី The Rapper Cambodia បាន​ទទួល​ប្រាក់រង្វាន់ 40.000.000 រៀល និង​កិច្ចសន្យា​ជាសិល្បករ​ជាមួយ ផលិតកម្ម បារមី។

កម្មវិធី​ប្រកួតរ៉េប​ដ៏លេចធ្លោ​លើកដំបូងរបស់​កម្ពុជាមួយនេះ ក៏បាន​រក​ឃើញ​អ្នកឈ្នះ​ពានរង្វាន់ទាំង៣ផងដែរ រួមមាន៖

-EMII-KAN-VANNO ទទួលបានជ័យលាភី Best Collaboration

-D.A.R.T ទទួលបានជ័យលាភី Best Solo Performance

-ROXYទទួលបានជ័យលាភី FAN FAVORITE។

មិនតែប៉ុណ្ណោះ ម្ចាស់ជ័យលាភី និងអ្នកទទួលបានពានរង្វាន់នេះ គឺត្រូវបានផ្តល់កិត្តិយសប្រគល់ដោយផ្ទាល់ពីលោក ខៀវ សវរនាថ នាយកប្រតិបត្តិក្រុមហ៊ុន ហនុមាន ប៊ែវើរីជីស និង និងសមាជិកគ្រួសារហនុមាន Jade & Richie ព្រមទាំងលោក Erich ផងដែរ។

ក្រុមហ៊ុន ហនុមាន ប៊ែវើរីជីស មានក្តីសោមន្សរីករាយ ដែលបានរួមដំណើរក្នុងការបើកឱកាសសម្រាប់តារារ៉េបជំនាន់ក្រោយក្នុងប្រទេសកម្ពុជា និងគាំទ្រដល់សិល្បករកម្ពុជា។

ក្រុមហ៊ុន ហនុមាន តែងតែមានគំនិតផ្តួចផ្តើមជាមួយនឹងយុទ្ធនាការចូលទីផ្សារ តាមរយៈសកម្មភាពផ្សេងៗ និងព្រឹត្តិការណ៍ប្លែកៗ។ ថ្មីៗនេះ ហនុមាន បានភ្ជាប់មកជាមួយសារដែលគួរចងចាំ៖ “ស្រវឹងសូមកុំបើកបរ” “Drink Smart! Don't Drive!" ដើម្បីរម្លឹកពីសុវត្ថិភាពអតិថិជនជាអាទិភាព និងជាម៉ាកស្រាបៀរដំបូងគេក្នុងប្រទេសកម្ពុជា ដែលចាប់ផ្តើមគំនិតផ្តួចផ្តើមនេះ និងកាន់កាប់បណ្តាញផ្សាយពាណិជ្ជកម្មរបស់ពួកគេ។

ស្លាកសញ្ញាហនុមាន ត្រូវបានទទួលស្គាល់ពីអតិថិជនថាជា ផលិតផលដែលមានគុណភាពល្អ និងរសជាតិឆ្ងាញ់។ ក្រុមហ៊ុនហនុមាន តែងតែផ្តល់នូវបទពិសោធន៍ ថ្មីពិសេសដល់អតិថិជនក៏ដូចជាប្រជនទូទៅ ដោយបាននាំមកនូវកម្មវិធីសប្បាយរីករាយថ្មីប្លែក ហើយតែងតែនាំមុខនៅគំនិតផ្តួចផ្តើមទីផ្សារដែលល្អៗ ដោយមានការគាំទ្រយ៉ាងខ្លាំងពីអតិថិជន៕