ក្រុមហ៊ុន អង្គរ ឌែរី ប្រូដាក ខូអិលធីឌី បាន​រៀបចំ​សន្និសីទ​សារព័ត៌មាន ​ស្តីអំពី «កម្មវិធីកោសឈ្នះ កោសឈ្នះ» ពីទឹកដោះគោអង្គរមីល នៅថ្ងៃទី១៤ ខែកុម្ភៈ ឆ្នាំ២០២៤ នៅ​ផ្សារទំនើប អ៊ីអន សែនសុខ។

លោក កុយ សុវណ្ណ តំណាងនាយកដ្ឋានផ្នែក​លក់ និងទីផ្សារ​នៃក្រុមហ៊ុន អង្គរ ឌែរី ប្រូដាក ខូអិលធីឌី បាន​ថ្លែង​ក្នុងសន្និសីទកាសែតនេះថា ក្រុមហ៊ុនបានបង្តើត “កម្មវិធីកោសឈ្នះ កោសឈ្នះ" ដើម្បីជាការថ្លែងអំណរគុណដល់ការគាំទ្រយ៉ាងពេញទំហឹង ពីអ្នកម្តាយគ្រប់រូប ក៏ដូចជាអតិថិជនទូទាំងប្រទេស ​ចំពោះផលិតផលទឹកដោះគោ អាដេអឹម ១១០មល​ ​និង ​១៨០​មល។

លោកបញ្ជាក់​ថា កម្មវិធីនេះ​មានការផ្តល់ជូនឈ្នះនូវ “រង្វាន់ម៉ូតូហុងដាវេវ ស៊េរីថ្មី សរុប​ចំនួន ៥០គ្រឿង" និង រង្វាន់ទឹកដោះគោ ​អាដេអឹម​ រាប់ម៉ឺនកេស បន្ថែមទៀត (លក្ខខណ្ឌផ្សេងៗត្រូវបានអនុវត្ត)។ ដើម្បីចូលរួមកម្មវិធី កោសឈ្នះ កោសឈ្នះនេះ អតថិជនទាំងអស់គ្រាន់តែធ្វើការទិញផលិតផល ​ទឹកដោះគោ អាដេអឹម ១១០​មល ឬ​ ១៨០​មល ឬក៏ទាំងពីរ ​ដែលកំពុងចរាចរលើទីផ្សារ ហើយស្វែងរកកាតកោស ដែលមានភ្ជាប់នៅលើប្រអប់ទឹកដោះគោស្រាប់ ហើយធ្វើការកោស ទៅតាមការណែនាំ ដើម្បីស្វែងរកសំណាង របស់លោកអ្នក។

• ចំពោះអ្នកឈ្នះរង្វាន់ម៉ូតូ សូមធ្វើការទាក់ទងដោយផ្ទាល់ មកកាន់ក្រុមហ៊ុន តាមរយៈទូរស័ព្ទលេខ៖ 085 689 888 – 0966 489 888 – 024 689 8888 នៅរៀងរាល់ម៉ោងធ្វើការ​។ ក្រុមការងារក្រុមហ៊ុន នឹងធ្វើដំណើរ ទៅជួបលោកអ្នកដោយផ្ទាល់។

• ចំពោះអ្នកឈ្នះរង្វាន់លើកទឹកចិត្ត ជាផលិតផល​ទឹកដោះគោ អាដេអឹម ១១០​មល ចំនួនមួយកេស សូមធ្វើការប្តូរនៅម៉ូយបោះដុំធំ ដែលនៅជិតលោកអ្នកបំផុត ឬ ទំនាក់ទំនង​អ្នកលក់ ដែលលោកអ្នកបានទិញពីគាត់ ឬក៏ ទំនាក់ទំនងដោយផ្ទាល់មកក្រុមហ៊ុន តាមរយៈលេខទូរស័ព្ទលេខខាងលើនេះ នៅរៀងរាល់ម៉ោងធ្វើការ​។ ​ក្រុមហ៊ុនក៏បានធ្វើកិច្ចសន្យា​ ជាមួយអ្នកលក់បន្ត ជាទីតាំងប្តូររង្វាន់ចំនួន ​១,០០០​កន្លែង រួចហើយ នៅទូទាំងប្រទេស ដើម្បីសម្រួលដល់ការប្តូររង្វាន់នេះ។

ជាមួយគ្នានេះ ក្រុមហ៊ុនបាន​បញ្ជាក់ជូនអតិថិជនទាំងអស់ផងដែរថា៖

• សូមធ្វើការកោសដោយថ្នមៗ និងប្រយ័ត្នប្រយែង​ ការពារ​ដាច់ខូចទ្រង់ទ្រាយដើម កាតកោស។

• កាតឈ្នះរង្វាន់​ ត្រូវតែរក្សាទ្រង់ទ្រាយ​ដើម ១០០%​ បើមិនដូច្នោះទេ ក្រុមហ៊ុនសូមរក្សាសិទ្ធិ នឹងមិនប្តូររង្វាន់ជូនឡើយ។

• ជនណាក្លែងបន្លំកាតកោស នឹងត្រូវផ្តន្ទាទោសតាមច្បាប់​។

• ដើម្បីជាតម្លាភាពជូនមហាជន កម្មវិធីនេះ មិនត្រូវបានអនុញ្ញាតអោយបុគ្គលិកគ្រប់ជាន់ថ្នាក់ របស់ក្រុមហ៊ុន ​អង្គរ ឌែរី ប្រូដាក ខូអិលធីឌី ចូលរួមនោះឡើយ។

ជាក់ស្តែងនៅថ្ងៃនេះ ក្រុមហ៊ុនក៏សូមអបអរសាទរអ្នកឈ្នះរង្វាន់ធំដំបូងគេ ចំនួន០២រូបគឺ​៖

1. បងស្រី នន ស្រីនាង – រស់នៅក្នុងខេត្តកំពង់ស្ពឺ

2. បងប្រុស លឹម សុខសិទ្ធ - រស់នៅក្នុងខណ្ឌដូនពេញ រាជធានីភ្នំពេញ​

ក្រុមហ៊ុនបាន​ធ្វើការប្រគល់រង្វាន់ជូន នៅក្នុងថ្ងៃនេះផងដែរ​។​

សូមជម្រាប​ថា ក្រុមហ៊ុន អង្គរ ឌែរី ប្រូដាក ខូអិលធីឌី ដែលជារោងចក្រផលិតផលិតផលទឹកដោះគោដ៏ធំ តែមួយគត់នៅព្រះរាជាណាចក្រកម្ពុជា បានយកចិត្តទុកដាក់យ៉ាងខ្លាំងចំពោះប្អូនៗកុមារអំពីបញ្ហាអាហាររូបត្ថម្ភ។​

ក្នុងគោលបំណងផ្តល់អាហាររូបត្ថម្ភ ដល់ប្រជាជនកម្ពុជា ពិសេសដល់កុមារតូចៗ ទាំងប្រាជ្ញា និងស្មារតី។​ គ្រប់សង្វាក់ផលិតកម្ម ដែលផលិត "​ទឹកដោះគោ ម៉ាកអង្គរមីល"​ ត្រូវបាន​ត្រួតពិនិត្យយ៉ាងត្រឹមត្រូវ និងយកចិត្តទុកដាក់ជាទីបំផុត ចាប់តាំងពីវត្ថុធាតុដើម រហូតដល់ផលិតផលសម្រេច។​

បើតាម​លោក កុយ សុវណ្ណ បានឱ្យដឹងបន្ថែមថា វត្ថុធាតុដើមត្រូវបាននាំចូលពីបណ្តាប្រទេសនានាលើពិភពលោក ដូចជា៖ សហគមន៍អឺរ៉ុប សហរដ្ឋអាមេរិក អាឡឺម៉ង់ អូស្រ្តាលី ញ៉ូវស៊ែឡែន អេស្បាញ ប៉ូឡូញ ជាដើម។ល។​ ហើយ​រោងចក្របានបំពាក់ដោយបចេ្ចកវិទ្យាផលិតចុងក្រោយ​ និងស្វ័យប្រវត្តិ ​ប្រកបដោយ​​អនាម័យ និងសុវត្ថិភាពខ្ពស់ ពីប្រទេសស៊ុយអ៊ែត ដែល​ទទួលស្គាល់ចំណាត់ថ្នាក់ពិភពលោក ដែលមាន​ម៉ាកយីហោ​ តេត្រាភែក(Tetra Pak)។ រាល់សង្វាក់ផលិតកម្មផលិត ផលិតផលទឹកដោះគោ ​គោរពតាមស្តង់ដាគុណភាពជាតិ និងគុណភាពអន្តរជាតិ ដោយ "មិនប្រើប្រាស់សារធាតុរក្សាទុកបានយូរ" ។ រោងចក្រទទួលបានសញ្ញាប័ត្រហាទ្បាល ​ សញ្ញាប័ត្របញ្ជាក់ពីគុណភាព ស្តង់ដាអន្តរជាតិ ISO 9001: 2015 និង សញ្ញាប័ត្រសុវត្ថិភាពចំណីអាហារ FSSC 22000។​​

ក្រុមហ៊ុន អង្គរ ឌែរី ប្រូដាក ខូអិលធីឌី បាននឹងបន្តបន្ថែមទុនវិនិយោគឥតឈប់ឈរ មកដល់ពេលបច្ចុប្បន្ននេះ ទុនវិនិយោគរបស់ ក្រុមហ៊ុនបានកើនដល់ ៤១​លាន ដុល្លារសហរដ្ឋអាមេរិក ហើយផ្ទៃដីផលិតរបស់រោងចក្រ កើនឡើងដល់ ៦ហិចតា ដោយផលិតទឹកដោះគោ ដែលមានម៉ាកយីហោ "អង្គរមីល" ​​ហើយបាននិងកំពុង ​ផ្តល់ការ​ងារ​ជូនកម្មករនិយោជិតចំនួន ៦១៣ នាក់ និងបានចូលរួមចំណែក បង់ពន្ធចូលថវិកាជាតិ ចន្លោះពី ៨-១១លានដុល្លារ សហរដ្ឋអាមេរិក ក្នុងមួយឆ្នាំៗ។

ដើម្បីផ្តល់សុខភាពល្អដល់អ្នកប្រើប្រាស់ទាំងអស់ ​ក្រុមហ៊ុន អង្គរ ឌែរី ប្រូដាក ខូអិលធីឌី ដែលជារោងចក្រផលិតផលទឹកដោះគោ ដ៏ធំបំផុតនៅកម្ពុជា នឹងបន្តវិនិយោគ ឥតឈប់ឈរទៅលើសង្វាក់ផលិតកម្ម ជាមួយនិងបចេ្ចកវិទ្យាស្វ័យប្រវត្តិចុងក្រោយ របស់ពិភពលោក មកបំពាក់ផលិត នៅលើទឹកដីនៃព្រះរាជាណាចក្រកម្ពុជា ដូចដែលបាននិងកំពុងធ្វើកន្លងមក​ ហើយនេះក៏ជាពាក្យស្លោករបស់យើងផងដែរ “អង្គរមីលល្អសម្រាប់សុខភាពអ្នក”។ មិនតែប៉ុណ្ណោះ រោងចក្របានបំពាក់នូវប្រព័ន្ធសូឡា សម្រាប់ផ្គត់ផ្គង់ចរន្តបន្ថែមដល់ការផលិត​ផលិតផលអង្គរមីល ដើម្បីចូលរួមចំណែកក្នុងការការពារបំរែបំរួលអាកាសធាតុ។​ ​

រោងចក្រ អង្គរ ឌែរី ប្រូដាក មានលទ្ធភាពផលិត៖

1. ទឹកដោះគោ​(UHT) ចំនួន ៥៤លានលីត្រ ក្នុងមួយឆ្នាំ

2. ផលិតយ៉ាអ៊ួរ ចំនួន ២២លានកែវ ក្នុងមួយឆ្នាំ​

3. ទឹកដោះគោស្រស់១០០% រសជាតិសាប និងរសជាតិផ្អែម ចំណុះ ១លីត្រ

4. ​ទឹកដោះគោជូរ​ (ប្រភេទប្រូបាយអូទិច) ម៉ាកប្រូប៊ី

5. ផលិតទឹកដោះគោខាប់ ចំនួន ៦៥លានកំប៉ុង ក្នុងមួយឆ្នាំ​

រោងចក្រផលិត​ទឹកដោះគោ"អង្គរមីល" មានទីតាំង​ស្ថិតនៅ តំបន់សេដ្ឋកិច្ចពិសេស រ៉ូយ៉ាល់គ្រុបភ្នំពេញ តាមបណ្តោយផ្លូវជាតិលេខ៤ ខណ្ឌកំបូល រាជធានីភ្នំពេញ។

លោក​ កុយ សុវណ្ណ បាន​សង្កត់ធ្ងន់ថា ចំពោះផលិតផលទឹកដោះគោ អាដេអឹម ១១០មល​​ និង ១៨០មល ត្រូវបានផលិតនិងវិចខ្ចប់ដោយប្រអប់​​ក្រដាស អាស៊ិបទិក (Aseptic pack)​ដែលបានផលិត និងផ្គត់ផ្គង់ពីប្រទេសសឹង្ហបុរី (សាំងហ្គាពួរ)​​។ ប្រអប់ក្រដាស អាស៊ិបទិក (Aseptic pack)​ដែលយកមកវិចខ្ចប់ទឹកដោះគោ អាដេអឹម ១១០​មល​ និង ១៨០មលនេះ វាជាប្រភេទប្រអប់ក្រដាសដែលមាន៦​ស្រទាប់ ឆ្លាស់គ្នាការពារ​​ និងវិចខ្ចប់ផលិតផលទឹកដោះគោ អាដេអឹម ១១០មល​​ និង ១៨០មល បានយ៉ាងល្អ ជាទីបំផុត​៖

1. ស្រទាប់ទី១ ទី២ ទី​៤ ទី​៦៖ ជាស្រទាប់​​ប៉ូលីអីធីឡែន (Polyethylene) ដែលជួយការពារផលិតផល ពីសំណើមបរិយាកាសខាងក្រៅ ហើយក៏មានតួនាទី បន្សីភ្ជាប់ស្រទាប់ដទៃៗទៀត ផងដែរ។​

2. ស្រទាប់ទី៣៖ ​ជាស្រទាប់អាលុយមីញ៉ូម ជួយការពារប្រឆាំងអ៊ុកស៊ីតកម្ម ការពារគុណភាពអាហារូបត្ថម្ភ និងរក្សារសជាតិដើម របស់ផលិតផលបានល្អប្រសើរបំផុត។​

3. ស្រទាប់ទី៥៖ ជាស្រទាប់ក្រដាស ដែលជួយអោយប្រអប់ក្រដាសបរិស្ថាននេះ មានភាពរឹងមាំ និងធ្វើអោយផ្ទៃប្រអប់ រលោងស្មើបានល្អ ។​ ជារួម វាជាប្រភេទប្រអប់ក្រដាសបរិស្ថាន អាស៊ិបទិក (Aseptic pack) ដែលជួយការពារផលិតផល​បាន​ល្អ ​ដោយមិនចាំបាច់ដាក់សារធាតុរក្សាទុកអោយយូរ នៅក្នុងផលិតផលនោះទេ​។