លែងបារម្ភការប្រកួត Games of Future ដែលក្រុមកម្ពុជា BURN X FLASH ចូលរួមនឹងមានឡាយជូន Fan ទស្សនា

2024-02-18 07:53:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ដ៏ធំ Games of The Future 2024 ដែលធ្វើឡើងនៅប្រទេសរុស្សី និងមានការចូលរួមពីក្រុមខ្លាំងរបស់កម្ពុជា BURN X FLASH នឹងមានការផ្សាយផ្ទាល់ជូនអ្នកគាំទ្រនៅកម្ពុជាតាមរយៈ PEAK SPORT។

លោក Lee Xin

ការប្រកួត Games of The Future 2024 នឹងធ្វើឡើងនៅទីក្រុង Kazan ប្រទេសរុស្ស៊ី គឺចាប់ពីថ្ងៃទី២១ ខែកុម្ភៈ ដល់ថ្ងៃទី៣ ខែមីនា ឆ្នាំ ២០២៤។ ការប្រកួតនេះមានវិញ្ញាសាសរុប ១៦ វិញ្ញាសា និងសរុបប្រាក់រង្វាន់មានរហូតដល់ ២៥លានដុល្លារអាមេរិក។ ក្នុង១៦វិញ្ញាសានេះគឺកម្ពុជាមានមួយក្រុមទៅចូលរួមផងដែរគឺក្រុម BURN X FLASH ដែលនឹងត្រូវប្រកួតលើវិញ្ញាសា Mobile Legend : Bang Bang។

តំណាងក្រុម BURN X FLASH គឺលោក Lee Xin បានឲ្យដឹងថា សម្រាប់ការប្រកួតនេះក្រុមទាំងមូលបានត្រៀមខ្លួនរួចរាល់ហើយ។ ទាំងការហ្វឹកហាត់ និងការស្វែងយល់អំពីការប្រកួតក៏ដូចជាការប្រាស្រ័យទាក់ទងគ្នាជាមួយមិត្តរួមក្រុមជាបរទេសគឺបានល្អ និងរលូនរង់ចាំតែថ្ងៃចេញទៅប្រកួតប៉ុណ្ណោះ។

លោក សេង សុភ័ក្ត្រ

ចំពោះការចុះ MOU ជាមួយខាង PEAK SPORT តំណាងក្រុម BURN X FLASH រូបនេះមានកិត្តិយសមែនទែនហើយនេះក៏ជាលើកទីមួយដែលបានចូលរួមសហការជាមួយប្រព័ន្ធផ្សព្វផ្សាយក្នុងស្រុក។ កីឡាករ Lee Xin បន្ថែមទៀតថានេះជាការល្អក្នុងការជួយផ្សព្វផ្សាយបន្ថែមឲ្យកាន់តែទូលំទូលាយដល់មហាជនឲ្យស្គាល់ពី E-Sports ព្រោះវាមិនមែនត្រឹមជាហ្គេមនោះទេ ពោលវាក៏ជាប្រភេទកីឡាមួយដែរ។

ទិដ្ឋភាពម្សិលមិញ

ចំណែកលោក សេង សុភ័ក្ត្រ CEO PEAK SPORT មានសេចក្ដីសោមនស្សរីករាយមែនទែនដែលបានរួមចំណែកក្នុងការផ្សព្វផ្សាយកីឡា E-Sports ពិសេសការប្រកួតនៅប្រទេសរុស្សីនេះជូនអ្នកគាំទ្រកម្ពុជា។ នេះជាបេសកកម្មមួយក្នុងការជួយជំរុញក្រុមកីឡា E-Sports ឲ្យឈានទៅសម្រេចក្ដីស្រមៃ និងការរួមចំណែកលើកស្ទួយវិស័យកីឡារបស់កម្ពុជាឲ្យកាន់តែរីកចម្រើនបន្ថែមទៀតផងដែរ។

ទិដ្ឋភាពម្សិលមិញ

បញ្ជាក់ដែរថា ម្សិលមិញនេះក្រុម BURN X FLASH បានធ្វើពិធី Sting Valentines BURN X FLASH Meet and Greet ជាមួយអ្នកគាំទ្ររបស់ខ្លួនជាច្រើននៅ Prime Cineplex (TK)។ ជាមួយគ្នានោះដែរក្រុម BURN X FLASH ក៏បានចុះ MOU ជាមួយ PEAK SPORT ផងដែរ៕

អត្ថបទ៖ នួន ស៊ីណា