សៀក សក្ដិរុណា អត់ទាន់ចង់មានស្នេហ៍ទេ...ដឹងនៅ!

2014-11-26 22:35:15
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់មានចចាមអារ៉ាមថា មានទំនាក់ទំនងជាមួយមន្ត្រីគយ ពេលនេះតារាសម្ដែងខ្មៅស្រអែម សៀក សក្ដិរុណា ចេញមុខដោយផ្ទាល់ថា នាងអត់ទាន់ចង់មានស្នេហ៍ទេ។

“ខ្ញុំមិនដឹងថា ព័ត៌មានចេញពីណាមកទេ ថាខ្ញុំមានចំណងស្នេហ៍ជាមួយអ្នកនេះ អ្នកនោះ តែការពិតខ្ញុំអត់អីដូចគេនិយាយទេបង ហើយក៏អត់ទាន់ចង់មានស្នេហ៍អីដែរ"។

មានមូលហេតុមួយចំនួនដែលតារាសម្ដែងវ័យ១៨ឆ្នាំរូបនេះ អះអាងថា នាងមិនចង់យកខ្លួនទៅពាក់ព័ន្ធនឹងរឿងរ៉ាវស្នេហាក្នុងពេលនេះ ក្នុងនោះទី១នាងវ័យក្មេងអនាគតវែងឆ្ងាយ ទី២នាងទើបតែប្រឡូកសិល្បៈហើយទីផ្សារកំពុងស្ទុះឡើងទៀត មិនចង់យកខ្លួនបៀតនាំឲ្យទីផ្សាររួមតូចវិញនោះទេ។

“បើអ្នកផ្សេងខ្ញុំមិនដឹងទេ ប៉ុន្តែសម្រាប់ខ្ញុំ ខ្ញុំអត់ចង់មានស្នេហ៍អីក្នុងពេលនេះ ខ្ញុំទើបតែប្រឡូកសិល្បៈមិនបានប៉ុន្មានផង ហើយនៅក្មេងទៀត បងមិនមែនមិនដឹងឯណា...អ្នកសិល្បៈតែមានគូ គឺទីផ្សារធ្លាក់ចុះហើយ។ អីចឹងខ្ញុំអត់ត្រូវការទេ អ្វីដែលខ្ញុំត្រូវគិត គឺសាងកេរ្តិ៍ឈ្មោះប៉ុណ្ណោះ ទាន់ឱកាសនៅមាន!”។

តួឯកស្រីក្នុងរឿង "មាសសុទ្ធ" រូបនេះ បន្តថា រឿងសំខាន់មួយទៀតដែលនាងត្រូវធ្វើដែរនោះ គឺនាងត្រូវរកប្រាក់ដើម្បីផ្គត់ផ្គង់គ្រួសារសិន ព្រោះចាយលុយពួកគាត់យូរហើយ ខណៈបច្ចុប្បន្ន នាងគឺជាអ្នករាប់រងគ្រួសារដែលមានប្អូន និងឪពុកម្ដាយ មួយចំណែកធំ។

ជាមួយនឹងការប្រកាសដកខ្លួនចេញឆ្ងាយពីរឿងរ៉ាវស្នេហានេះ សៀក សក្ដិរុណា មិនទាន់ច្បាស់ថា ពេលណានាងនឹងគិតពីជីវិតគូនោះទេ។ "អត់ទាន់ដឹងទេ...និយាយពេលនេះដូចលឿនពេកទេដឹង...តែ...អាច៤-៥ឆ្នាំអីទៀតទេដឹង(សើច)!”។

អត្ថបទ៖ សៀក សក្ដិរុណា ល្បីមានស្នេហាជាមួយមន្ត្រីគយ

សៀក សក្ដិរុណា ទើបតែចូលសិល្បៈនាដើមឆ្នាំ ២០១៤នេះប៉ុណ្ណោះ ប៉ុន្តែតាំងពីចាប់ផ្ដើម ការងារសិល្បៈរបស់នាងមានសន្ទុះរហូត។ ក្នុងរយៈពេលខ្លីនេះ នាងបានសម្ដែងជាតួឯកស្រីក្នុងខ្សែភាពយន្តប្រមាណជា ៤-៥រឿងរួចមកហើយ ភាគច្រើនជាតួឯក រួមជាមួយស្ប៉តពាណិជ្ជកម្ម និងខារ៉ាអូខេជាច្រើនទៀត។

អត្ថបទ៖ ចូលសិល្បៈមុនក្រោយគ្នាមែន ប៉ុន្តែមើលម៉ូដខោអាវបានដឹង!

មិនត្រឹមប៉ុណ្ណឹង សក្ដិរុណា នៅប្រាប់ទៀតថា ប្រមាណ២ខែមុន នាងបានទម្លាក់ការងារចោលអស់ជាច្រើនទៀត។ "ខ្ញុំឈឺបង វិះតែហ្នឹងវះកាត់ទៀតឯណោះ តែសំណាងល្អចេះដាក់ថ្នាំត្រូវ ហើយក្នុងអំឡុងពេលហ្នឹង មាន៦រឿងទាក់ទងមក តែខ្ញុំទទួលអត់កើត!"៕