សុំសរសើរ! ស្រុកខ្មែរមានតែ១ទេ តារាងបាល់ទះ ដាក់កង្ហារឱ្យភ្ញៀវនិងអ្នកឡាយ

2024-07-04 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាងបាល់ទះឥន្ទ្រីពិឃាដឌូក ជាតារាងបាល់ទះដំបូងគេនៅកម្ពុជា មានបំពាក់កង្ហារសម្រួលខ្យល់ដល់ភ្ញៀងនិងក្រុមអ្នកឡាយ ដែលជាគំនិតច្នៃប្រឌិតដ៏ប្លែក គួរឲ្យកោតសរសើរ និងមិនធ្លាប់មានពីមុនមក។

បើតាមការសាកសួររបស់ Sabay ទៅកាន់ ជុក សោភា ហៅឥន្ទ្រីពិឃាដឌូកដែលជាម្ចាស់តារាងផ្ទាល់ ក្រោយមើលឃើញពីស្ថានភាពតារាងបាល់ទះខ្លួនមានសភាពហប់ គ្មានផ្លូវខ្យល់ចេញចូល គេក៏មានគំនិតបំពាក់កង្ហារសម្រួលដល់ភ្ញៀវតែម្ដង។

គំនិតនេះធ្វើឲ្យមានការកោតសរសើរពីសំណាកភ្ញៀវ និងធ្វើឲ្យក្រុមអ្នកឡាយមានការភ្ញាក់ផ្អើល ព្រោះមិនធ្លាប់ឃើញឡើយពីមុនមក។ ឌូកបន្ថែមថាខ្យល់ចេញចូលជារឿងសំខាន់ បើទីលានគ្មានខ្យល់ចេញចូល ភ្ញៀវក៏ពិបាកនឹងលេងដែរ ដូច្នេះការបំពាក់បង្ហារជាជម្រើសដែលត្រូវធ្វើ។

តារាងបាល់ទះឥន្ទ្រីពិឃាដឌូកមានបំពាក់កង្ហារចំនួនបួនគ្រាប់នៅចំកណ្ដាលនៃតារាងពីរ ដែលផ្ដល់ខ្យល់ល្ហើយល្អដល់អ្នកលេងកីឡា ខណៈតម្លៃវិញមួយគ្រាប់ ៧៥ ដុល្លារសហរដ្ឋអាមេរិក។

គួរបញ្ជាក់ថា តារាងបាល់ទះរបស់ឌូកមានឈ្មោះថា តារាងបាល់ទះឥន្ទ្រីពិឃាដឌូក ដែលតារាងចាស់ពីមុនមានឈ្មោះ "តារាងរ៉ូឡង់" មានទីតាំងនៅខាងត្បូងវត្តទួល ខ័ណ្ឌឫស្សីកែវ រាជធានីភ្នំពេញ។ រហូតមកទល់ពេលនេះតារាងមួយនេះដំណើរការបានរយៈពេល១ខែហើយ ខណៈតម្លៃជួលខ្ទង់ពាន់ដុល្លារឯណោះ៕