Nagelsmann ៖ Lamine Yamal ជាក្មេងដែលមានទេពកោសល្យតែខ្ញុំផ្ដោតលើគេពេកទេ
- 2024-07-05 02:00:00
- ចំនួនមតិ 0 | ចំនួនចែករំលែក 0
Nagelsmann ៖ Lamine Yamal ជាក្មេងដែលមានទេពកោសល្យតែខ្ញុំផ្ដោតលើគេពេកទេ
ចន្លោះមិនឃើញ
គ្រូបង្វឹករបស់ក្រុមជម្រើសជាតិអាល្លឺម៉ង់លោក Julian Nagelsmann សម្ដែងការពេញចិត្តស្ងើចសរសើរដល់យុវជនវ័យ១៦ឆ្នាំរបស់អេស្ប៉ាញ Lamine Yamal ថាជាក្មេងដែលមានទេពកោសល្យ និងមានភាពប៉ិនប្រសព្វ។
ការលើកមកនិយាយពីខ្សែបម្រើប្រយុទ្ធស្លាបរបស់ក្រុមអេស្ប៉ាញរបស់លោក Julian Nagelsmann ធ្វើឡើងក្នុងសន្និសីទកាសែតមុនការប្រកួតក្រុមទាំងពីរប៉ះគ្នានាយប់ថ្ងៃទី៥ខែកក្កដា ឆ្នាំ២០២៤នេះនាវគ្គ៨ក្រុមចុងក្រោយក្នុងព្រឹត្តិការណ៍ EURO 2204 ដែលកំពុងធ្វើឡើងនៅប្រទេសអាល្លឺម៉ង់។
Lamine Yamal ជាយុវជនដែលបញ្ជូនបាល់ (Assist ) ឲ្យមិត្តរួមក្រុមរបស់គេរកបាន២គ្រាប់ហើយ។ គេក៏ត្រូវបានអ្នកគាំទ្រ និងអ្នកតាមដានបាល់ទាត់ចាប់អារម្មណ៍ និងចុចឈ្មោះហាក់បីដូចជា Key Player សម្រាប់វគ្គ៨ក្រុមចុងក្រោយនាយប់ថ្ងៃសុក្រនៃដូច្នេះដែរ។
មុនការប្រកួតគ្រូបង្វឹករបស់អាល្លឺម៉ង់សរសើរ Lamine Yamal មានទេពកោសល្យល្អ ប៉ុន្តែលោកមិនគិតផ្ដោតលើគេពេកទេ ដោយលោកបាននិយាយថា «,,,សូមរង់ចាំមើលទាំងអស់គ្នានៅពេលប៉ះក្រុមដែលធំ ហើយខ្លាំងប្រហាក់ប្រហែលគ្នាតើគេអាចបង្ហាញឲ្យគ្រប់គ្នាឃើញកម្រិតណា។ យើងមិនអាចទៅបិតគាត់ ( Lamine Yamal )ឲ្យបាន១០០%ទេ ព្រោះការគិតរបស់គ្រូ និងក្រុមគឺផ្សេងគ្នា ខ្ញុំមានការរៀបចំរបស់ខ្ញុំ ជារួមគឺខ្ញុំគិតទៅលើការរៀបចំនៅតំបន់ប្រយុទ្ធរបស់ខ្ញុំដែលមាន Jamal Musiala ថាយើងត្រូវលេងដោយរបៀបណា»។
ការលើកឡើងរបស់លោក Julian Nagelsmann ត្រូវបានធ្វើឲ្យមហាជនគិតថា លោកនឹងប្រើប្រពន្ធប្រយុទ្ធខ្លាំងមិនព្យាយាមបិទដៃគូពេកទេ។ ការរៀបចំដូច្នេះទំនងជា នឹងធ្វើឲ្យការប្រកួតជក់ចិត្ត និងមានគ្រាប់ស៊ុតច្រើនជាក់ជាមិនខានឡើយ៕