វិទ្យាស្ថានខេមអេដ៖ បើកការប្រកួត CamEd Men's Futsal Tournament ពង្រឹងសុខភាពសិស្សនិស្សិត

2024-08-11 08:28:52
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាស្ថានខេមអេដ កាលពីថ្ងៃទី១០ ខែសីហា ឆ្នាំ២០២៤ ម្សិលមិញនេះបានធ្វើពិធីបើកការប្រកួត CamEd Men's Futsal Tournament ប្រចាំឆ្នាំ២០២៤ របស់ខ្លួនជាថ្មីនៅតារាងបាល់ទាត់ T-Soccer ដែលមានសិស្សកំពុងសិក្សាបរិញ្ញាបត្រ និង អតីតនិស្សិតបរិញ្ញាបត្រជាន់ខ្ពស់ចូលរួមជាច្រើន។

ទិដ្ឋភាពម្សិលមិញ

ថ្លែងក្នុងពិធីបើកការប្រកួតលោកបណ្ឌិតសាស្ត្រាចារ្យ ព្រុំ វិរៈ និង លោកបណ្ឌិតសាស្ត្រាចារ្យ Kenneth Paul Charman ទាំងពីរបានលើកឡើងពីសារប្រយោជន៍របស់កីឡាចំពោះសិស្សនិស្សិតគ្រប់គ្នាដែលផ្តល់ផលប្រយោជន៍ណាស់ចំពោះសុខភាពរាងកាយ និងផ្លូវចិត្តផងដែរ។ CamEd មិនត្រឹមតែផ្ដល់នូវចំណេះដឹងដល់សិស្សនិស្សិតនោះឡើយ ពោលសាលាតែងតែគិតគូរ និងជំរុញលើកទឹកចិត្តឲ្យនិស្សិតចូលរួមលេងកីឡា ចូលរួមលើកស្ទួយវិស័យកីឡានៅកម្ពុជាជាបន្តបន្ទាប់។

ទិដ្ឋភាពម្សិលមិញ

ជាមួយគ្នានេះដែរក្រៅពីការប្រកួតបាល់ទាត់បុរស វិទ្យាស្ថានក៏បានរៀបចំការប្រកួតកីឡាផ្សេងៗផងដែរ ដូចជាបាល់ទាត់នារីក្នុងសាល បាល់បោះបុរស-នារី និងការប្រកួតកីឡាអត្តពលកម្មជាដើមនាពេលកន្លងទៅដែលទទួលបាននូវលទ្ធផលយ៉ាងគាប់ប្រសើរ។

ទិដ្ឋភាពម្សិលមិញ

បញ្ជាក់ដែរថា ការប្រកួត CamEd Men's Futsal Tournament នេះចាប់ផ្ដើមពីថ្ងៃទី១០ ខែសីហា រហូតដល់ថ្ងៃទី៧ ខែកញ្ញា ឆ្នាំ២០២៤។ ឆ្នាំ២០២៤ នេះមានសិស្សនិស្សិតចូលរួមចំនួន ១៩ក្រុមក្នុងនោះសិស្សកំពុងសិក្សាបរិញ្ញាបត្រចំនួន ១០ក្រុម និងអតីតនិស្សិតបរិញ្ញាបត្រជាន់ខ្ពស់ សិស្សសិក្សាកម្មវីធី ACCA/CAT ចំនួន ៩ក្រុម៕