Arnold មិនសប្បាយចិត្តក្រោយប្ដូរចេញនាទីទី៧២ក្នុងប្រកួត Brentford យប់មិញ

2024-08-26 00:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារស្លាបកំពូលល្បឿនរបស់ Liverpool កីឡាករ Trent Alexander Arnold បានប្ដូរចេញនៅនាទី៧២ ដោយដាក់ជំនួសដោយ Bradley ក្នុងជំនួបដែលយកឈ្នះទៅលើក្រុម Brentford ២-០ កាលពីយប់មិញ។

ក្នុងកំឡុងប្ដូរចេញ Arnold បានសម្ដែងការមិនពេញចិត្តចំពោះការសម្រេចចិត្តរបស់លោក Arne Slot ដែលជាអ្នកចាត់ការថ្មីរបស់ Liverpool ។ យ៉ាងណាអ្នកចាត់ការថ្មីរូបនេះបានដឹងដូចគ្នានូវរឿងដែល Arnold មិនពេញចិត្តនេះ។ ខ្សែការពាររូបនេះមិនបានលេងពេញ៩០នាទីទេ២ប្រកួតកន្លងមកក្នុង EPL កាលប៉ះ Ipswich Town ដែលឈ្នះ ២-០ នោះក៏គេត្រូវបានប្ដូរចេញនាទីទី៧៧ និងកាលពីយប់មិញគេក៏ប្ដូរចេញនាទីទី៧២ទៀត។

ក្រោយឃើញបែបនេះអ្នកចាត់ការសញ្ជាតិហុល្លង់បាននិយាយថា « ...ខ្ញុំពិតជាយល់ កីឡាករគ្រប់គ្នាចង់លេងពេញ៩០នាទី។ ខ្ញុំមិនដែលគិតថាអ្នកអង្គុយនៅកៅអីបម្រុងសប្បាយចិត្តចំពោះការសម្រេចចិត្តជ្រើសរើសរបស់ខ្ញុំទេ»។

« Trent ទើបតែត្រឡប់ពីក្រុមជម្រើសជាតិ ហើយគេបានបំពេញតួនាទីរបស់គេនៅក្រុមជម្រើសជាតិខ្លាំងណាស់។ ដូច្នេះគេគួរតែសម្រាកខ្លះពេលមកដល់ក្រុមវិញ ។ ចូលមកសប្ដាហ៍ក្រោយវិញទើបតែ EPL ទើបតែចាប់ផ្ដើម៣សប្ដាហ៍ប៉ុណ្ណោះ»។ នេះជាការបន្ថែមរបស់អ្នកចាត់ការហង្សក្រហម៕