នាយកគ្រប់គ្រងរបស់ Chelsea ជឿថា Cole Palmer នឹងឈ្នះ Ballon D'Or ថ្ងៃណាមួយ
- 2024-10-16 14:10:00
- ចំនួនមតិ 0 | ចំនួនចែករំលែក 0
នាយកគ្រប់គ្រងរបស់ Chelsea ជឿថា Cole Palmer នឹងឈ្នះ Ballon D'Or ថ្ងៃណាមួយ
ចន្លោះមិនឃើញ
លោក Paul Winstanley នាយកគ្រប់គ្រងរបស់ក្លឹបបាល់ទាត់តោខៀវ Chelsea ជឿថាថ្ងៃណាមួយខ្សែបម្រើអង់គ្លេស និងក្លឹបរបស់ខ្លួន Cole Palmer នឹងអាចឈ្នះពាន Ballon D'Or នាថ្ងៃណាមួយមិនខាន។
ការលើកឡើងរបស់នាយកគ្រប់គ្រងខាងលើហាក់សម្ដែងភាពជឿជាក់ និងច្បាស់លាស់ខ្លាំងមែនទែន ដែលទំនងជារឿងនេះវាកំពុងតែកើតឡើងក្នុងចិត្តរបស់លោកយ៉ាងដូច្នេះដែរ។ បើនិយាយពីអត្តចរិត Palmer ហាក់ដូចជាមានភាពស្លូតបូតបន្តិច ប៉ុន្តែបើមើលទៅលើការលេងរបស់គេវិញគឺបង្ហាញឲ្យគ្រប់គ្នាមើលឃើញថា គឺពិតជាអស្ចារ្យ។
លោកបន្ថែមទៀតថា គ្រប់គ្នាបានឃើញពីចំណុចវិជ្ជមានទាំងនោះក្នុងពេលហ្វឹកហាត់ និងបានឃើញវាក្នុងពេលដែលហ្គេមចាប់ផ្ដើម និងកំពុងតែដំណើរការលើទីលាន។ សូមបញ្ជាក់ថា Palmer ជាយុវជនរបស់ Manchester City ហើយគេត្រូវបានសុខចិត្តដើរចេញពីមេឃខៀវ ព្រោះតែចង់បានឱកាសចូលលេងឲ្យបានច្រើននៅលើទីលាន Palmer បានផ្ទេរមកកាន់ Chelsea ជាផ្លូវការកាលឆ្នាំ២០២៣ ហើយបច្ចុប្បន្នគេកំពុងវិវឌ្ឍន៍ខ្លួនជាកូនសោដ៏សំខាន់របស់តោខៀវយ៉ាងដូច្នេះដែរ។ គិតមកដល់ពេលនេះខ្សែបម្រើប្រយុទ្ធរូបនេះរកបាន២៨គ្រាប់ហើយសរុបការលេងបាន៤០ប្រកួតបូកទាំងរដូវកាលមុន និងរដូវកាលនេះ៕