ដំណឹងល្អសម្រាប់អ្នកគាំទ្ររឿង Princess Diaries! នៅថ្ងៃទី 15 ខែវិច្ឆិកា ឆ្នាំ 2022​ The Hollywood Reporter បានប្រកាសថា Disney កំពុងតែផលិតខ្សែភាពយន្តទីបីរបស់ស៊េរីដ៏ពេញនិយមមួយនេះ។ តារា​ភាពយន្ត​​ Anne Hathaway នឹងត្រលប់មកវិញក្នុងនាមជាតួរសម្តែងនៅក្នុងរឿងPrincess Diaries​​ មានឈ្មោះថា Mia Thermopolis ដែលជាក្មេងជំទង់ម្នាក់ដែលបានក្លាយជាព្រះនាង។

អ្នកគាំទ្របានរង់ចាំវគ្គបន្តនេះអស់រយៈពេលជាង 20 ឆ្នាំមកហើយ។ ក្នុងឆ្នាំ 2016 អ្នកដឹកនាំរឿង Garry Marshall បានពិភាក្សាអំពីការផលិតរឿងទីបី ប៉ុន្តែផែនការត្រូវបានផ្អាកបន្ទាប់ពីគាត់បានទទួលមរណភាព។ នៅឆ្នាំ 2019 អ្វីៗបានចាប់ផ្តើមផ្លាស់ប្តូរម្តងទៀត នៅពេលដែល តារាភាពយន្ត​ Anne Hathaway បានបញ្ជាក់ថានាងមានស្គ្រីប។ នាងបាននិយាយថានាងនិងតារាភាពយន្ត Julie Andrews (ដែលដើរតួជា Queen Clarisse) និងផលិតករ Debra Martin Chase សុទ្ធតែចាប់អារម្មណ៍ ប៉ុន្តែពួកគេគ្រាន់តែចង់ធ្វើវាប្រសិនបើភាពយន្តនេះ "ល្អឥតខ្ចោះ" ។

Hathaway បានធ្វើសេចក្តីប្រកាសនៅលើ Instagram ដោយដាក់ចំណងជើងថា "អព្ភូតហេតុកើតឡើង" ។

ខ្សែភាពយន្តនេះនឹងបន្តពីស៊េរីដើម មិនមែនជាការថតរឿងសាឡើងវិញទេ។ តួសំខាន់ៗរួមមាន Debra Martin Chase ជាផលិតករ, Flora Greeson ជាអ្នកនិពន្ធរឿងរបស់ The High Note និង Adele Lim សហអ្នកនិពន្ធរឿង Crazy Rich Asians ជាអ្នកដឹកនាំរឿង។

ប្រភព៖ CNN   ប្រែ​សម្រួល៖ Pheng Rachana