Chelsea ឡើងទៅ Top 4 វិញក្រោយយកឈ្នះ Wolves ៣-១

2025-01-21 01:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តោខៀវ Chelsea បានហក់ឡើងចូលមកកាន់តំបន់ Top 4 វិញក្រោយពេលដែលពូកគេបានយកឈ្នះទៅក្រុម Wolverhampton ៣-១ សម្រាប់ការប្រកួតសប្ដាហ៍ទី២២ក្នុងពានរង្វាន់ English Premier League នៅទឹកដីរបស់តោខៀវកាលពីយប់ថ្ងៃទី២០ឈានចូលថ្ងៃទី២១ ។

៣គ្រាប់របស់ក្រុមម្ចាស់ផ្ទះរកបានដោយកីឡាករ៣នាក់ផ្សេងគ្នាគឺ T. Adarabioyo នាទីទី២៤ Marc Cucurella នាទីទី៦០ និង N. Madueke នាទីទី៦៥ ស្របពេល១គ្រាប់របស់ក្រុមភ្ញៀវរកបានដោយ M. Doherty នាទីទី៤៥+៥។ ៣គ្រាប់របស់ក្រុមម្ចាស់ផ្ទះនេះសមល្មមអាចឲ្យពួកគេរកបាន៣ពិន្ទុ ដើម្បី៤០ពិន្ទុស្ថិតក្នុងតំបន់ Top 4 ក្នុងតារាង EPL ។

ចំណែកឯក្រុមភ្ញៀវវិញកាន់តែខិតជិតនៅតំបន់កាត់ចោលដោយមានត្រឹមតែ១៦ពិន្ទុប៉ុណ្ណោះក្នុងចំណោមការប្រកួតចំនួន២២លើករបស់ពួកគេ ខណៈដែលក្រុមលេខ១៦ Everton មាន២២ពិន្ទុ ស្របពេលដែល Ipswich Town ស្ថិតនៅលេខរៀងទី១៨មាន១៦ពិន្ទុស្មើ Wolves ដែរ៕