ហ្វីហ្វី ធ្វើខួបកំណើតក្រោមការជ្រោមជ្រែងពីឧកញ៉ា!
- 2014-12-13 16:38:40
- ចំនួនមតិ 0 | ចំនួនចែករំលែក 0
ហ្វីហ្វី ធ្វើខួបកំណើតក្រោមការជ្រោមជ្រែងពីឧកញ៉ា!
ចន្លោះមិនឃើញ
ក្នុងពិធីគម្រប់ខួប ២៥ ឆ្នាំ យប់មិញ កញ្ញា ហ្វីហ្វី រៀបចំឡើងដោយមានភាពសប្បាយរីករាយក្រោមការជួយឧបត្ថម្ភពីឧកញ៉ាសម្បូរទ្រព្យម្នាក់។
ការរៀបចំប្រមាណជា ២០តុ មិនសូវជាមានអ្នកសិល្បៈច្រើនចូលរួមទេក្នុងភោជនីយដ្ឋាន ពិភពរាត្រី យប់មិញ។ ក៏ប៉ុន្តែសម្រាប់វត្តមានឯកឧត្ដម និងឧកញ៉ា កញ្ញាប្រាប់ថា ចូលរួមប្រហែលជាជិត ១០នាក់។
កញ្ញា ហ្វីហ្វី ក្នុងពិធីខួបកំណើតយប់មិញ
ទាក់ទងនឹងម្ចាស់ឧបត្ថម្ភខួបកំណើតតារាសម្ដែង ចម្រៀង និង ជាពិធីការិនី កញ្ញា ហ្វីហ្វី ព្យាយាមលាក់បាំង ដោយនិយាយថា៖ "មានខាងណាឧបត្ថម្ភបង ប៉ាៗខ្ញុំសោះហ្នឹង ហើយឯកឧត្ដម និង ឧកញ៉ាមួយចំនួនទៀតសុទ្ធសឹងតែជាអ្នករាប់អានដូចបងប្អូនចឹង គ្មានអ្វីផ្សេងពីនេះទេ"។
តារារូបនេះបន្តថា ចាប់តាំងពីធ្វើខួបកំណើតមក គឺមានតែយប់មិញទេ ដែលមានលក្ខណៈទ្រង់ទ្រាយធំបន្ទាប់ពីប្រជាប្រិយភាពក្នុងសិល្បៈចាប់ផ្ដើមកើតឡើង។
បើទោះជាប្រឹងលាក់បាំង និង ឆ្លើយបដិសេធយ៉ាងណាក៏ដោយ ប្រភពពីអ្នកសិល្បៈនិយាយក្នុងលក្ខខណ្ឌសុំមិនបញ្ចេញឈ្មោះប្រាប់ថា ខួបកំណើត ហ្វីហ្វី យប់មិញគឺមានឧកញ៉ាម្នាក់ ជាម្ចាស់ចម្ការកៅស៊ូនៅខេត្ត កំពង់ចាមជួយជ្រោមជ្រែង។
អ្នកនាង ចាន់ តារាទី និងអ្នកនាង ប៉ែន សុផានី ចូលរួមខួបកំណើត ហ្វីហ្វី យប់មិញ
ប្រភពបន្តថា រវាងកញ្ញា ហ្វីហ្វី និង ឧកញ៉ាម្ចាស់ចម្ការកៅស៊ូ ទើបស្គាល់គ្នាមួយរយៈ និង យល់ចិត្តយល់ថ្លើមគ្នាតែប៉ុណ្ណោះ។
កញ្ញា ហ្វីហ្វី មានឈ្មោះដើមថា ប៊ិន បូហ្វី មកពីខេត្ត កណ្ដាល។ នាងចាប់ផ្ដើមប្រឡូកក្នុងអាជីពជាអ្នកសិល្បៈកាលពីឆ្នាំ២០១២ប៉ុណ្ណោះ ក៏ប៉ុន្តែប្រជាប្រិយភាពនាងទទួលការរីកចម្រើនទៅមុខ បន្ទាប់ពីហ៊ានបញ្ចេញភាព sexy ជូនទស្សនិកជន។
បច្ចុប្បន្នកញ្ញា កំពុងថតរឿងភាគឱ្យស្ថានីយទូរទស្សន៍ CTN ដោយទទួលតំណែងជាតួឆ្នាសក្នុងរឿង "កំលោះស្រុកស្រែ ស្នេហ៍ក្រមុំឡប់ៗ"៕
អានអត្ថបទបន្ត៖ Laura លក់អាល់ប៊ុមបទ «ខ្ញុំមិនសុខចិត្តទេ» ឲ្យលុយទៅគន្ធបុប្ផា
អានអត្ថបទបន្ត៖ តារារ៉េប ១០ដួងនេះ ពាក់ច្រវាក់មាសពេជ្រស្ទើរបាក់ក
អានអត្ថបទបន្ត៖ មាស សុខសោភា ភ្ញាក់ផ្អើលក្នុងកម្មវិធី Hennessy
អត្ថបទ៖ អ៊ីង សុឡា