នាយករដ្ឋមន្ត្រីខ្មែរ សរសើរកម្មវិធី "The Voice Cambodia" និង "សំនៀងចែងចាំង"

2014-09-29 19:52:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាលើកដំបូងហើយដែលប្រមុខរាជរដ្ឋាភិបាលកម្ពុជាបានលើកសរសើរចំពោះកម្មវិធីប្រលងចម្រៀងរបស់ស្ថានីយទូរទស្សន៍ក្នុងស្រុកចំនួនពីរ ក្នុងនោះមានស្ថានីយទូរទស្សន៍ CTN និង ហង្សមាស ដែលជាផ្នែកមួយលើកកម្ពស់វិស័យសិល្បៈខ្មែរផ្នែកសម័យ។

ការលើកសរសើររបស់នាយករដ្ឋមន្ត្រីខ្មែរនេះ គឺធ្វើឡើងបន្ទាប់ពីស្ថានីយទូរទស្សន៍ហង្សមាស បានទិញសិទ្ធិកម្មវិធីពីបរទេសដែលមានឈ្មោះថា The Voice និង កម្មវិធី "សំនៀងចែងចាំង" ជាកម្មវិធីដែលបង្កើតឡើងដោយខ្លួនឯងរបស់ស្ថានីយទូរទស្សន៍ CTN។

ថ្លែងនៅក្នុងពិធីចែកសញ្ញាប័ត្រដល់និស្សិតសកលវិទ្យាល័យបៀលប្រាយនាមជ្ឈមណ្ឌលកោះពេជ្រ ព្រឹកមិញ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងសរសើរដល់គ្រូបង្វឹកទាំង៤ របស់កម្មវិធី The Voice Cambodia របស់ស្ថានីយទូរទស្សន៍ហង្សមាសថា ពិតជាមានសមត្ថភាពពិតប្រាកដនៅក្នុងការជ្រើសរើសបេក្ខជន បេក្ខនារី ដែលចូលរួមការប្រកួតកម្មវិធីកន្លងមក។

"ខ្ញុំថា គ្រូបង្វឹក មានសមត្ថភាពអត់ធម្មតា ពួកគេពិតជាមានសមត្ថភាពស្ដាប់សំឡេង ពេលខ្លះបេក្ខជនតែម្នាក់ទេ តែគ្រូចុចយកទាំង ៤ នាក់ អាហ្នឹងមានន័យថា គេចេះច្បាស់ដូចគ្នា"។

ចុចស្ដាប់ប្រសាសន៍ សម្ដេចតេជោ ហ៊ុន សែន [audio mp3="http://media.sabay.com/uploads/2014/09/Sam-Dach-Hun-Sen.mp3"][/audio]

ដោយឡែកនិយាយដល់កម្មវិធីរបស់ CTN គឺកម្មវិធី "សំនៀងចែងចាំ" សម្ដេច ហ៊ុន សែនក៏បានសរសើរដល់កម្មវិធីនេះផងដែរថា មានគ្រូបង្វឹកសុទ្ធសឹងតែមានសមត្ថភាព ជំនាញពិតប្រាកដធ្វើឱ្យមានសេចក្ដីទុកចិត្តពី បេក្ខជន បេក្ខនារី រួមនឹងទស្សនិកជន។