លទ្ធផលកម្ពុជា ប្រកួតនៅសាកលវិទ្យាល័យអាស៊ាន ស្ងាត់ដូចចោរលួចសេះ

2014-12-15 19:05:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំយុវជននិងកីឡា បានសម្រេចបញ្ជូនកីឡាចំនួន ៥ ប្រភេទមានកីឡាបាល់ទាត់, កីឡាតេក្វាន់ដូ, កីឡាវាយកូនឃ្លីលើតុ, កីឡាប៉េតង់ និងកីឡាគុនដាវ ដែលសុទ្ធជាជម្រើសជើងខ្លាំងតាមសកលវិទ្យាល័យក្នុងស្រុកទៅប្រកួតក្នុងព្រឹត្តិការណ៍សាកលវិទ្យាល័យអាស៊ាន (17th ASEAN University Games) កំពុងតែរៀបចំនៅទីក្រុង Palembang ប្រទេសឥណ្ឌូណេស៊ី ប៉ុន្តែដំណឹងចាញ់ ឬ ឈ្នះមេដាយ ស្ថិតក្នុងសភាពស្ងាត់ជ្រងំនៅឡើយ។

ក្រុមកម្ពុជា ក្នុងពិធីបើកកាលពីថ្ងៃទី ៩ ធ្នូ (រូបថត៖ Western Uni)

ដំណើរចេញទៅប្រកួតក្រៅប្រទេសចុងឆ្នាំ ២០១៤ នេះហាក់នៅឆ្ងាយពីសំណេរអ្នកសារព័ត៌មានជាតិ លើកលែងតែដំណឹងរបស់ក្រុមបាល់ទាត់ប៉ុណ្ណោះ ទោះជាចាញ់យ៉ាងណាក៏អ្នកចាត់ការក្រុមវេស្ទើន លោក ឡៃ សុធា បង្ហើបឱ្យអ្នកគាំទ្របានដឹងតាមរយៈ Facebook ជាបន្តបន្ទាប់។

ឯកឧត្តម ស៊ាន បូរ៉ាត់ រដ្ឋលេខាធិការនិងជាមន្ត្រីតំណាងក្រសួង, លោក អ៊ុក សិទ្ធិជាតិ អគ្គនាយកកីឡា, លោក ព្រំ ប៊ុណ្ណយី អគ្គនាយរងកីឡា និង ជានាយបេសកកម្ម រួមទាំងលោក ដួង មាសចំរើន នាយរងនាយបេសកកម្ម សុទ្ធតែបានចេញដំណើរក្នុងនាមជាក្បាលម៉ាស៊ីន នាំក្រុមកីឡាករ កីឡាការិនី, គ្រូបង្វឹក និង អាជ្ញាកណ្ដាល ជាតិខ្មែរ ប្រមាណជិត ៥០ នាក់ទៅប្រកួតនៅប្រទេសលើកនេះ។

ប្រជាជនរស់នៅក្នុងស្រុកជាច្រើនហាក់មិនបានដឹងថា តើក្នុងចំណោមក្រុមកីឡាទាំង ៥ ប្រភេទរបស់កម្ពុជា នៅសល់កីឡាចំនួនប៉ុន្មានប្រភេទដែលមិនទាន់ប្រកួតនោះទេ ខណៈពិធីបើកធ្វើឡើងតាំងពីថ្ងៃទី ៩ ធ្នូ ហើយគ្រោងបញ្ចប់នៅថ្ងៃទី ១៩ ធ្នូ ខាងមុខ។

យោងតាមវេបសាយផ្លូវការ aug17indonesia គិតត្រឹមម៉ោង ១០ យប់ថ្ងៃទី១៤ ធ្នូ ម្សិលមិញក្រុមកម្ពុជា នៅមិនទាន់ស្គាល់រសជាតិមេដាយសូម្បីតែមួយគ្រឿងនៅឡើយនោះទេ ស្របពេលក្រុមថៃកំពុងនាំមុខក្នុងតារាងអ្នកឈ្នះមេដាយច្រើនជាងគេ ពោលគឺឈ្នះមេដាយសរុប ៣៩ គ្រឿង ក្នុងនោះមេដាយមាស ២៣ ប្រាក់ ៩ និង សំរឹទ្ធ៧ គ្រឿង។ វេបសាយមួយនេះក៏មិនបានផ្សព្វផ្សាយទូលំទូលាយ និង កែប្រែលទ្ធផលបានរហ័ស នោះទេ។

តារាងអ្នកឈ្នះមេដាយគិតត្រឹមយប់ម្សិលមិញ

ព្រឹត្តិការណ៍នេះរៀបចំរៀងរាល់ ២ ឆ្នាំម្ដង ហើយគេនៅចាំថាកាលព្រឹត្តិការណ៍លើកទី16th ASEAN University Games នៅប្រទេសឡាវឆ្នាំ២០១២ កន្លងទៅ កម្ពុជាបានបញ្ជូនកីឡាចំនួន៥ ប្រភេទទៅចូលរួមប្រកួតគឺ អត្តពលកម្ម, ប៉េតង់, តេក្វាន់ដូ, យូដូ និង វាយកូនបាល់។ កាលនោះកម្ពុជា ត្រឡប់មកវិញអមដោយមេដាយសំរិទ្ធចំនួន៨ គ្រឿង ក្នុងនោះប៉េតង់ដណ្ដើមបាន ៣ គ្រឿង តេក្វាន់ដូ ២ គ្រឿង យូដូ ២ គ្រឿង និងវាយកូនបាល់បាន ១ គ្រឿង៕

អត្ថបទ៖ ម៉ឺន រស្មី

ពាក្យទាក់ទង

កីឡាសាកលវិទ្យាល័យអាស៊ាន

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

អត្ថបទថ្មី

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម