ប៉េតង់ នាំកាដូមេដាយប្រាក់ ៣ គ្រឿងមុនឆ្នាំថ្មីពីកីឡាសាកលវិទ្យាល័យអាស៊ាន

2014-12-21 22:02:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតក្នុងចំណោមកីឡា ៥ ប្រភេទដែលកម្ពុជាបញ្ជូនទៅចូលរួមប្រកួតក្នុងព្រឹត្តិការណ៍កីឡាសាកលវិទ្យាល័យអាស៊ាន ឆ្នាំ ២០១៤ (2014 ASEAN University Games) ដែលរៀបចំនៅប្រទេសឥណ្ឌូណេស៊ី មានតែកីឡាប៉េតង់ទេដែលដណ្ដើមបានមេដាយពោលគឺមេដាយប្រាក់ ៣ គ្រឿងម្នាក់ឯង។

តាមទិន្នន័យរបស់គណៈកម្មាធិការប្រកួត លើវិញ្ញាសាវាយយកពិន្ទុនារី កម្ពុជា ដណ្ដើមបានមេដាយប្រាក់ ក្រោយចាញ់ម្ចាស់ផ្ទះនៅវគ្គផ្ដាច់ព្រ័ត្រ ស្របពេលលេខ ៣ បានទៅកីឡាការិនី របស់ម៉ាឡេស៊ី។ ចំណែកមេដាយប្រាក់ ១ គ្រឿងទៀត កម្ពុជាដណ្ដើមបានលើវិញ្ញាសាវាយគូនារី ក្រោយចាញ់ថៃ នៅវគ្គផ្ដាច់ព្រ័ត្រ ហើយលេខ ៣ បានទៅក្រុមមកពីប្រទេសឡាវ។ មេដាយប្រាក់ចុងក្រោយកម្ពុជាដណ្ដើមបានលើវិញ្ញាសា វាយគូចម្រុះ ក្រោយចាញ់ ក្រុមមកពីប្រទេសឡាវ ហើយមេដាយសំរឹទ្ធបានទៅក្រុមមកពីប្រទេសថៃ។

ចំនួនមេដាយ គិតត្រឹមយប់ម្សិលមិញ

ក្រសួងអប់រំយុវជននិងកីឡា បានសម្រេចបញ្ជូនកីឡាចំនួន ៥ ប្រភេទមានកីឡាបាល់ទាត់, កីឡាតេក្វាន់ដូ, កីឡាវាយកូនឃ្លីលើតុ, កីឡាប៉េតង់ និង កីឡាគុនដាវ ទៅចូលរួមប្រកួតនៅឆ្នាំនេះ ដោយមានថ្នាក់ដឹកនាំ, កីឡាករ កីឡាការិនី, គ្រូបង្វឹក និង អាជ្ញាកណ្ដាល ជាតិខ្មែរ ប្រមាណជិត ៥០ នាក់។

ពានរង្វាន់នេះរៀបចំនៅរៀបចំនៅទីក្រុង Palembang ប្រទេសឥណ្ឌូណេស៊ី ចាប់ពីថ្ងៃទី ១១ ដល់ ២១ ខែ ធ្នូ ឆ្នាំ ២០១៤ ស្របពេលម្ចាស់ផ្ទះឥណ្ឌូណេស៊ី កំពុងនាំមុខលើបញ្ជីអ្នកឈ្នះមេដាយច្រើនជាងគេ ដោយសរុបទាំងអស់ចំនួន ១៨៧ ក្នុងនោះមេដាយមាស ៦៤ មេដាយប្រាក់ ៧៧ និង មេដាយសំរឹទ្ធ ៤៦ គ្រឿង។ នេះបើយោងតាមវេបសាយផ្លូវការត្រឹមយប់ម្សិលមិញ។

កីឡាចំនួន ២០ លើប្រភេទវិញ្ញាសា ២២៥ ផ្សេងគ្នាត្រូវបានគេដាក់ឱ្យក្រុមកីឡាមកពីប្រទេសក្នុងតំបន់អាស៊ានប្រកួតប្រជែង។ នៅយប់ថ្ងៃទី ២១ ធ្នូ ឆ្នាំ ២០១៤ នេះគេនឹងរៀបចំពិធីបិទជាផ្លូវការលើកីឡដ្ឋាន Jakabaring Stadium៕

អត្ថបទ៖ ម៉ឺន រស្មី

ពាក្យទាក់ទង

កីឡាប៉េតង់ជាតិ កីឡាសាកលវិទ្យាល័យអាស៊ាន

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

អត្ថបទថ្មី

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!