ស្ងាត់ៗ កាយសម្ព័ន្ធនាំមេដាយ ៥ គ្រឿងមកពីវៀតណាម
- 2014-12-24 16:13:14
- ចំនួនមតិ 0 | ចំនួនចែករំលែក 0
ស្ងាត់ៗ កាយសម្ព័ន្ធនាំមេដាយ ៥ គ្រឿងមកពីវៀតណាម
ចន្លោះមិនឃើញ
ក្រុមកីឡាករកាយសម្ព័ន្ធជម្រើសជាតិកម្ពុជា ដណ្ដើមបានមេដាយចំនួន ៥ គ្រឿងមកពីពានរង្វាន់ Vietnam National Club and Open Championship ក្នុងទីក្រុងហូជីមិញ ដែលចាប់ប្រកួតពីថ្ងៃទី ១៧ ដល់ ២២ ខែ ធ្នូ កន្លងទៅនេះ។
កីឡាកររបស់កម្ពុជា នៅខាងឆ្វេង
មេដាយដែលកម្ពុជាទទួលបានមាន៖ ១) មេដាយសំរឹទ្ធ ១ គ្រឿងលើវិញ្ញាសាឯកត្តជន ផ្នែកអាយុ ១២ ដល់ ១៤ ឆ្នាំ។ ២) កីឡាករ ជឿន ចាន់បូរី ឈ្នះមេដាយប្រាក់ ១ គ្រឿងវិញ្ញាសាឯកត្តជន ផ្នែកអាយុ ១៥ ដល់ ១៧ ឆ្នាំ។ ៣) កីឡាករ មូន យូណាន់ ឈ្នះមេដាយសំរឹទ្ធ ១ គ្រឿងវិញ្ញាសាឯកត្តជន ផ្នែកអាយុ ១៥ ដល់ ១៧ ឆ្នាំ។ ៤) កីឡាករ សោ សុផេង ឈ្នះមេដាយប្រាក់ ១ គ្រឿងវិញ្ញាសាឯកត្តជន ផ្នែកអាយុចាប់ពី ១៨ ឆ្នាំឡើង។ ៥) កីឡាករ សោ សុផេង, ង៉ែត វាសនា និង ផាន សុភ័ក្រ ដណ្ដើមបានមេដាយសំរឹទ្ធ ១ គ្រឿងវិញ្ញាសាទ្រីយូ (Trio)។
លោក ណយ ផាណា ផ្ដល់កិច្ចសម្ភាសន៍ដល់ទូរទស្សន៍វៀតណាម
លោក ណយ ផាណា ប្រធានប្រតិភូ និង ជាគ្រូបង្វឹកក្រុមកីឡាកាយសម្ព័ន្ធកម្ពុជា បានសន្និដ្ឋានថា ក្រោយបញ្ចប់យុទ្ធនាការប្រកួតក្នុងពានរង្វាន់នៅក្រៅប្រទេសលើកនេះ លោកសម្លឹងឃើញកីឡាករ កីឡាការិនី របស់កម្ពុជា កើនឡើងទាំងកម្លាំងកាយនិងបច្ចេកទេស បើធៀបនឹងឆ្នាំ ២០១៤ កន្លងមក។ លោករំពឹងថានៅឆ្នាំ ២០១៥ ខាងមុខនេះកីឡាករកីឡាការិនី ទាំងអស់នឹងមានសមត្ថភាពកើនឡើងប្រសើរជាងនេះទៀត៕
អត្ថបទ៖ ម៉ឺន រស្មី រូបថត៖ផ្ដល់ឱ្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
