វេស្ប៉ា ២០១៥ ទំនើបគ្មានគូរប្រៀប នរណាឃើញក៏ខ្នាញ់!

2015-01-09 22:28:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនតៃវ៉ាន់មួយបានបញ្ចេញម៉ូតូវេស្ប៉ា (Vespa) ទំនើបបំផុតមិនធ្លាប់មានក្នុងលោក ដោយអាចរត់បានចម្ងាយ ៩៦គីឡូម៉ែត្រក្នុងមួយម៉ោង ព្រមទាំងមានកម្មវិធីសម្រាប់ភ្ជាប់ទៅនឹងឧបករណ៍ប្រើ iOS និង Android បានទៀតផង។

ម៉ូតូវេស្ប៉ាដ៏ទំនើប និងចម្លែកមួយនេះឈ្មោះ Gogoro ឬហៅម្យ៉ាងទៀតថា Tesla of scooters ដែលត្រូវបានផលិតដោយក្រុមហ៊ុនតៃវ៉ាន់ Gogoro។ ម៉ូតូមួយនេះអាចដំឡើងកម្មវិធីមួយឈ្មោះ Gogoro (អាចភ្ជាប់ទៅនឹងឧបករណ៍ប្រើ iOS និង Android) ដែលអាចឲ្យអ្នកផ្លាស់ប្តូរពណ៌ភ្លើងចង្កៀងម៉ូតូ ត្រួតពិនិត្យស្ថានភាពអាគុយ រកស្ថានីយសាកអាគុយ រកទីតាំងរបស់ម៉ូតូ (ក្នុងករណីបាត់) ឬក៏សុំជំនួយពីអ្នកជំនាញក្នុងករណីម៉ូតូ Gogoro មានបញ្ហា។

កន្លែងដាក់អាគុយរបស់វ៉េស្ប៉ាដ៏គួរឲ្យស្រឡាញ់មួយនេះ ស្ថិតនៅក្រោមកែបរបស់វា ដែលអាចដាក់បានចំនួនពីរ។ អាគុយទាំងពីរអាចដោះដូរបានដោយងាយ ដោយចំណាយពេលប្រហែល ៦វិនាទីប៉ុណ្ណោះ (ចំពោះការដូរអាគុយនៅស្ថានីយរបស់ Gogoro ដូចក្នុងវីដេអូ)។

ត្បិតតែបានបង្ហាញ Gogoro នៅ CES តែខាងក្រុមហ៊ុនពុំបានបញ្ជាក់ពីតម្លៃ និងកាលបរិច្ឆេទដាក់លក់លើទីផ្សារនៅឡើយទេ។ ទស្សនារូបភាព និងវីដេអូខាងក្រោម៖