អារម្មណ៍សោកស្ដាយ និងរីករាយកើតឡើងក្នុងពេលតែមួយចំពោះក្រុម MD

2015-01-21 18:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាក្រុម MD ទទួលបានចំណាត់ថ្នាក់លេខ ៣ ក្នុងព្រឹត្តិការណ៍ប្រកួតស្វែងរកជើងខ្លាំងកីឡាអេឡិចត្រូនិកអន្តរជាតិ MATIC 2015 តែអារម្មណ៍រីករាយ រួមទាំងអារម្មណ៍សោកស្ដាយបានកើតឡើងក្នុងពេលតែមួយដែរ។ តើពួកគេរីករាយ និងសោកស្ដាយដោយសារអ្វី?

អាន៖ មិនត្រឹមតែលេខ ១ ជាក្រុមទេ វិញ្ញាសាឯកត្តជនក៏កម្ពុជាលេខ ១ ដែរ

BlueX ប្រធានក្រុម YouWillKnow បាននិយាយថា ៖ "ខ្ញុំបាទ ក៏ដូចជាក្រុមខ្ញុំផ្ទាល់មានអារម្មណ៍ថាសោកស្ដាយផង ត្រេកអរផង សោកស្ដាយនោះគឺពួកខ្ញុំបានចាញ់ក្រុម EDP ជើងឯករង MATIC 2015 វគ្គពាក់កណ្ដាលផ្ដាច់ព្រ័ត្រដោយពួកគេបានប្រើយុទ្ធសាស្ត្រស្ងប់ស្ងាត់ធ្វើឲ្យពួកខ្ញុំពិបាកស្ទាបស្ទង់ពីទីតាំងរបស់ពួកគេ ឯអារម្មណ៍ត្រេកអរនោះគឺក្រោយពីទទួលជ័យជម្នះពីក្រុម EDP RoG របស់ប្រទេសម៉ាឡេស៊ីទាំងប្រផុតប្រផើយនៅវគ្គប្រកួតដណ្ដើមយកលេខ ៣ និងលេខ ៤។"

ក្រោយពីបានបញ្ជាក់អារម្មណ៍របស់ខ្លួននឹងលទ្ធផលក្នុងព្រឹត្តិការណ៍ប្រកួត MATIC 2015 រួចហើយ BlueX ក៏បានថ្លែងអំណរគុណដល់អ្នកគាំទ្ររបស់ខ្លួនថា ៖"ខ្ញុំសូមអរគុណយ៉ាងខ្លាំងដល់ក្រុមគ្រួសារខ្ញុំ ក៏ដូចជាក្រុមគ្រួសាររបស់សមាជិកក្រុម MD ទាំងអស់ និងប្រិយមិត្តអ្នកគាំទ្រទាំងអស់ ជាពិសេសគឺសមាជិក Clan The Murderer ផ្ទាល់តែម្ដង ដែលតែងតែគាំទ្រផ្ដល់កម្លាំងចិត្ត និងព្យាយាមចូលកុង Clan (Team Challenge) សន្សំរហូតដល់ក្រុម MD ទទួលបានកៅអីប្រកួតក្នុងព្រឹត្តិការណ៍ MATIC 2015 និងទទួលបានលទ្ធផលបែបនេះ»។

Post by AK Sabay *OfficialPage.

MD បានចូលរួមប្រកួតក្នុងព្រឹត្តិការណ៍ប្រកួតស្វែងរកជើងខ្លាំងកីឡាអេឡិចត្រូនិក MATIC (Mission Against Terror International Championships) ចំនួន ៣ ឆ្នាំជាប់គ្នាហើយដោយក្នុងនោះក្រុម MD ទទួលបានចំណាត់ថ្នាក់លេខ ៣ ចំនួន ២ ឆ្នាំជាប់គ្នាគឺ MATIC 2015 និង MATIC 2014 ដែលកម្ពុជាជាម្ចាស់ផ្ទះ ខណៈ MATIC 2013 ដែលធ្វើឡើងនៅប្រទេសថៃ ក្រុម MD មិនទទួលបានលទ្ធផលល្អនោះទេ ពោលគឺធ្លាក់ត្រឹមវគ្គជម្រុះក្នុងពូល។

ចុចទីនេះ ដើម្បីតាមដានព័ត៌មាន MATIC 2015៕

អត្ថបទ៖ ភីឆាយ