ចប់ MATIC 2015 កម្ពុជាឡើងឈរលេខ ១ ប្រទេសទទួលបានប្រាក់រង្វាន់ច្រើនជាងគេ

2015-01-23 23:40:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកម្ពុជាឡើងឈរលើកំពូលតារាងចំណាត់ថ្នាក់ប្រទេសដែលទទួលបានប្រាក់រង្វាន់ច្រើនជាងគេពីព្រឹត្តិការណ៍ប្រកួត MATIC (Mission Against Terror International Championships) ភ្លាមៗ ក្រោយពីក្រុមកម្ពុជា Secret និង MD ទទួលបានចំណាត់ថ្នាក់ជើងឯក និងជយលាភីលេខ ៣ ក្នុងព្រឹត្តិការណ៍ប្រកួត MATIC លើកទី ៤ នៅប្រទេសចិន ដែលទើបតែបញ្ចប់ទៅសប្ដាហ៍មុននេះ។

ប្រាក់រង្វាន់ចំនួន ១៩.៥០០ ដុល្លារអាមេរិកត្រូវជា ៦៥ ភាគរយនៃប្រាក់រង្វាន់សរុបក្នុងព្រឹត្តិការណ៍ប្រកួតស្វែងរកជើងខ្លាំងកីឡាអេឡិចត្រូនិក MATIC 2015 ត្រូវបានធ្លាក់មកលើដៃក្រុមកីឡាករកម្ពុជា ដែលចំនួនដ៏ច្រើននេះបានធ្វើឲ្យប្រទេសកម្ពុជាក្លាយជាប្រទេសលេខមួយដែលទទួលបានប្រាក់រង្វាន់ច្រើនជាងគេពីព្រឹត្តិការណ៍ប្រកួត MATIC នេះដោយវ៉ាដាច់ប្រទេសថៃ ដែលធ្លាប់ឈរលើកំពូលតារាងជាមួយនឹងប្រាក់រង្វាន់ចំនួន ១៦,០០០ ដុល្លារអាមេរិក។

អាន៖ វីដេអូពេល Secret ឈ្នះ EDP! ឃើញហើយរំភើបអាចស្រក់ទឹកភ្នែកមិនដឹងខ្លួន

នេះមិនមែនជាលើកទីមួយទេដែលប្រាក់រង្វាន់ច្រើនជាង ៥០ ភាគរយនៃប្រាក់រង្វាន់សរុបធ្លាក់មកក្នុងដៃកម្ពុជានោះ ព្រោះកាលពី MATIC 2014 ដែលកម្ពុជាជាម្ចាស់ផ្ទះនោះ ក្រុមកម្ពុជាទាំង ៣ ក្រុមដណ្ដើមបានចំណាត់ថ្នាក់ល្អៗទាំង ៣ ហើយទទួលបានប្រាក់រង្វាន់ចំនួន ១២.២៥០ ដុល្លារអាមេរិកត្រូវជា ៥១ ភាគរយនៃប្រាក់រង្វាន់សរុបចំនួន ២៤.០០០ ដុល្លារអាមេរិក។

ចង់ដឹងថា បន្ទាប់ពីក្រុមអត្តពលិកកីឡាអេឡិចត្រូនិកប្រទេសកម្ពុជា និងថៃ តើក្រុមអត្តពលិកប្រទេសណាដែលទទួលបានចំណាត់ថ្នាក់ជាបន្តបន្ទាប់ទៀត សូមទស្សនាលទ្ធផលខាងក្រោមនេះ៖

MATIC 2012 ជើងឯក: EDP TEAM AK (ម្ចាស់ផ្ទះម៉ាឡេស៊ី) ទទួលបាន ៣០០០ ដុល្លារ ជើងឯករង: ReBirth TT (ប្រទេសថៃ) ទទួលបាន ២៥០០ ដុល្លារ លេខ ៣: SoD Avenger (ម្ចាស់ផ្ទះម៉ាឡេស៊ី) ទទួលបាន ២០០០ ដុល្លារ លេខ ៤: Dragon (ប្រទេសចិន) ទទួលបាន ១៥០០ ដុល្លារ លេខ ៥: Ocacha (ប្រទេសថៃ) ទទួលបាន ១០០០ ដុល្លារ

MATIC 2013 ជើងឯក: SoD HolyAce (សិង្ហបុរី) ទទួលបាន ៤០០០ ដុល្លារ ជើងឯករង: NeverCare (កម្ពុជា) ទទួលបាន ៣០០០ ដុល្លារ លេខ ៣: Shi Xue (ប្រទេសចិន) ទទួលបាន ២០០០ ដុល្លារ លេខ ៤: Phothong (ម្ចាស់ផ្ទះប្រទេសថៃ) ទទួលបាន ១៥០០ ដុល្លារ លេខ ៥: NXL>Gnox (ប្រទេសឥណ្ឌូណេស៊ី) ទទួលបាន ១០០០ ដុល្លារ

MATIC 2014 ជើងឯក: ReBirth (ប្រទេសថៃ) ទទួលបាន ១១០០០ ដុល្លារ ជើងឯករង: NeverCare (ម្ចាស់ផ្ទះកម្ពុជា) ទទួលបាន ៦០០០ ដុល្លារ លេខ ៣: YouWillKnow (ម្ចាស់ផ្ទះកម្ពុជា) ទទួលបាន ៤០០០ ដុល្លារ លេខ ៤: FiveMilitary (ម្ចាស់ផ្ទះកម្ពុជា) ទទួលបាន ២០០០ ដុល្លារ

MATIC 2015 ជើងឯក: Secret (ប្រទេសកម្ពុជា) ទទួលបាន ១៥០០០ ដុល្លារ ជើងឯករង: EDP Team AK (ប្រទេសម៉ាឡេស៊ី) ទទួលបាន ៧០០០ ដុល្លារ លេខ ៣: YouWillKnow (ប្រទេសកម្ពុជា) ទទួលបាន ៤០០០ ដុល្លារ លេខ ៤: EDP RoG (ប្រទេសម៉ាឡេស៊ី) ទទួលបាន ២៥០០ ដុល្លារ

ចំណាត់ថ្នាក់ជាមួយនឹងប្រាក់រង្វាន់សរុបដែលទទួលបានពី MATIC
ចំណាត់ថ្នាក់	ប្រទេស	ប្រាក់រង្វាន់ទទួលបាន
១	កម្ពុជា	៣៤.០០០ ដុល្លារ
២	ថៃ	១៦.០០០ ដុល្លារ
៣	ម៉ាឡេស៊ី	១៤.៥០០ ដុល្លារ
៤	សិង្ហបុរី	៤.០០០ ដុល្លារ
៥	ចិន	៣.៥០០ ដុល្លារ
៦	ឥណ្ឌូណេស៊ី	១.០០០ ដុល្លារ